అనూ.. ఎంత‌గా ట్రై చేస్తున్నా కానీ

అదృష్టం దుర‌దృష్టం ఈ రెండిటిపైనా కొంద‌రి లైఫ్ డిపెండ్ అయ్యి ఉంటుంది. ఆ కోవ‌లో చూస్తే అను ఇమ్మాన్యుయేల్ ని దుర‌దృష్టం నీడ‌లా వెంటాడింద‌నే చెప్పాలి. కెరీర్ ఆరంభ‌మే అగ్ర హీరోల స‌ర‌స‌న అవ‌కాశాలు రావ‌డం అదృష్టం అనుకుంటే అవే దుర‌దృష్టంగా మారి వెంటాడాయి. ప‌వ‌న్ - అజ్ఞ‌తవాసి.. బ‌న్ని- నా పేరు సూర్య‌.. నాగ‌చైత‌న్య‌- శైల‌జా రెడ్డి అల్లుడు చిత్రాలు డిజాస్ట‌ర్ రిజ‌ల్ట్ తో అనూ పై ఐరెన్ లెగ్ ముద్ర ప‌డిపోయింది. ఆ మూడు సినిమాల్లో అవ‌కాశాలు ద‌క్క‌డాన్ని అదృష్టం గా భావించినా అవి త‌న‌ని ఎంత‌గా వెక్కిరించాయో తెలిసిందే.

అయినా ఏమాత్రం నిరాశ‌ ప‌డ‌కుండా ఈ అమ్మ‌డు ఒక్క ఛాన్స్ ప్లీజ్ అంటూ ప్ర‌య‌త్నిస్తూనే ఉంది. వ‌రుస‌గా డిజాస్ట‌ర్లు క‌ల‌త‌కు గురి చేసినా తాను మాత్రం డిజాస్ట‌ర్ పొజిష‌న్ లో లేనని చెప్పేందుకు అప్ప‌ట్లో ఓ ఖ‌రీదైన రేంజ్ రోవ‌ర్ ని సెల్ఫ్ గిఫ్ట్ ఇచ్చుకుని హాట్ టాపిక్ అయ్యింది. నా రేంజు త‌గ్గ‌దు రేంజు రోవర్ కి అంటూ ప‌రోక్షంగా ద‌ర్శ‌క‌ నిర్మాత‌ల‌కు హింట్ ఇచ్చింది. అయినా సెంటిమెంటు ప‌రిశ్ర‌మ అనూని న‌మ్మే ప‌రిస్థితి లో లేదు.

క‌నీసం తెలుగులో ఛాన్సుల్లేక‌పోయినా త‌మిళం - హిందీలో అయినా ఈ అమ్మ‌డికి అవ‌కాశాల్లేవు ఎందుక‌నో. ఆ క్ర‌మంలోనే సోష‌ల్ మీడియా తో కాల‌క్షేపం చేసేస్తోంది. ఇదిగో లేటెస్టుగా అనూ షేర్ చేసిన ఈ ఛాయాచిత్రం కుర్ర‌కారులో వైర‌ల్ అవుతోంది. బ్లాక్ టాప్.. డెనిమ్ జీన్స్ లో ఇలా న‌డుము అందాన్ని ఎలివేట్ చేస్తోంది. ఇంతగా వేడెక్కించినా ఛాన్సులిచ్చేవాళ్లే క‌రువ‌య్యారు పాపం!