'జాతిర‌త్నాలు' డైరెక్ట‌ర్ ఆ రికార్డ్ సాధిస్తాడా?

మ‌న వాళ్లు పాన్ ఇండియా మూవీస్ పై క‌న్నేస్తే కోలీవుడ్ హీరోలు, డైరెక్ట‌ర్ లు టాలీవుడ్ పై క‌న్నేశారు. మునుపెన్న‌డూ లేనంత‌గా తెలుగులో బైలింగ్వ‌ల్ మూవీస్ కి త‌మిళ హీరోలు శ్రీ‌కారం చుట్టారు. ఇప్ప‌టికే మూడు సినిమాల‌తో ముగ్గురు హీరోలు దండ‌యాత్ర‌కు రెడీ అయిపోతున్నారు. ద‌ళ‌స‌తి విజ‌య్‌, ధ‌నుష్‌, శివ కార్తికేయ‌న్‌.. ఈ ముగ్గురు హీరోలు తెలుగు, త‌మిళ భాష‌ల్లో ఒకే సారి బై లింగ్వ‌ల్ మూవీస్ ని చేస్తున్న విష‌యం తెలిసిందే.

ఇదిలా వుంటే ఇదే త‌ర‌హాలో మ‌న టాలీవుడ్ డైరెక్ట‌ర్స్ కూడా కోలీవుడ్ పై క‌న్నేశారు. `జాతిర‌త్నాలు` ఫేమ్ అనుదీప్ కె.వి, వెంకీ అట్లూరి, వంశీ పైడిప‌ల్లి. ఈ మూగ్గురు డిఫ‌రెంట్ డిప‌రెంట్ హీరోల‌తో మూడు సినిమాలు చేస్తున్నారు.

వంశీ పైడిప‌ల్లి ..ద‌ళ‌ప‌తి విజ‌య్ హీరోగా ఓ భారీ మూవీని రూపొందిస్తుంటే .. వెంకీ అట్లూరి హీరో ధ‌నుష్ తో `సార్‌` మూవీ చేస్తున్నారు. ఇక `జాతిర‌త్నాలు` ఫేమ్ అనుదీప్ కె. వి యంగ్ హీరో శివ‌కార్తికేయ‌న్ తో `ప్రిన్స్` మూవీని చేస్తున్నారు.

ఈ ముగ్గురిలో ముందుగా `జాతి ర‌త్నాలు` ఫేమ్ అనుదీప్ కె.వి రూపొందిస్తున్న `ప్రిన్స్` మూవీ విడుద‌ల‌కు రెడీ అవుతోంది. ఇటీవ‌లే ఈ మూవీకి `ప్రిన్స్‌` అనే టైటిల్ ని ఖ‌రారు చేశారు. ఇందులో శివకార్తికేయ‌న్ కు జోడీగా ఓ ఫారిప‌న్ లేడీ హీరోయిన్ గా న‌టించింది. తాజాగా విడుద‌ల చేసిన పోస్ట‌ర్ లో ఈ ఇద్ద‌రి జంట ఆక‌ట్టుకుంటోంది. సినిమా హిట్ గ్యారెంటీ అనే క‌ల క‌నిపిస్తోంద‌ని తాజా పోస్ట‌ర్ చూసిన వాళ్లు కామెంట్ లు చేస్తున్నారు.

ఇదిలా వుంటే ఇటీవ‌ల డాక్ట‌ర్‌, డాన్ సినిమాల‌తో బ్యాక్ టు బ్యాక్ సూప‌ర్ హిట్ ల‌ని సొంతం చేసుకున్న శివ కార్తికేయ‌న్ `ప్రిన్స్` తోనూ హ్యాట్రిక్ హిట్ ని సొంతం చేసుకునేలా వున్నాడ‌ని అంటున్నారు. ఇదే సంద‌ర్భంగా ఈ మూవీ త‌మిళంలోనూ సూప‌ర్ హిట్ అనిపించుకుంటే ద‌ర్శ‌కుడిగా అనుదీప్ కె. వి స‌రికొత్త రికార్డుని సొంతం చేసుకున్న‌ట్టేన‌ని ట్రేడ్ వ‌ర్గాలు అంటున్నాయి.

ఈ మ‌ధ్య కాలంలో మ‌న వాళ్లెవ‌రూ బైలింగ్వ‌ల్ మూవీ చేయ‌లేదు. తొలి సారి ఆ ప్ర‌యోగం చేస్తున్న ద‌ర్శ‌కుడు అనుదీప్ `ప్రిన్స్‌` తో ఆ ఫీట్ ని సొంతం చేసుకున్న తెలుగు ద‌ర్శ‌కుడిగా రికార్డు సాధించ‌డం ఖాయం అని అంటున్నారు.