వావ్‌ సూపర్‌.. ఉప్పెన జాతిరత్నాల కలయిక

కరోనా లాక్ డౌన్‌ తర్వాత సినిమాల పరిస్థితి ఏంటీ జనాలు థియేటర్లకు వచ్చేనా ముఖ్యంగా చిన్న సినిమాలను జనాలు ఆధరించేందుకు థియేటర్లకు వస్తారా లేదా చిన్న సినిమాలకు ఇక ఓటీటీనే దిక్కా అనుకుంటున్న సమయంలో వచ్చిన చిన్న సినిమాలు ఉప్పెన మరియు జాతి రత్నాలు భారీ విజయాలను దక్కించుకున్నాయి. ఉప్పెన వంద కోట్ల ను వసూళ్లు చేస్తూ జాతి రత్నాలు కూడా భారీ వసూళ్లను నమోదు చేస్తుంది. ఈమద్య కాలంలో టాక్‌ ఆఫ్‌ ది ఇండస్ట్రీగా నిలిచిన ఈ రెండు సినిమాల స్టార్స్ కలయికలో సినిమా వస్తే ఎలా ఉంటుందో ఊహించుకుంటేనే వావ్ అన్న ఫీలింగ్ కలుగుతుంది కదా. త్వరలోనే ఈ కాంబో పట్టాలెక్కబోతుంది.

సినీ వర్గాల నుండి అందుతున్న సమాచారం ప్రకారం ఉప్పెన స్టార్‌ వైష్ణవ్‌ తేజ్ మరియు జాతిరత్నాలు దర్శకుడు అనుదీప్ ల కాంబోలో సినిమా ప్రారంభం కాబోతుందట. బీవీఎస్ఎన్‌ ప్రసాద్ నిర్మాణంలో సినిమాకు ఇప్పటికే వైష్ణవ్‌ తేజ్ మూడవ సినిమా డేట్లు ఇచ్చేశాడు అంటూ వార్తలు వచ్చాయి. ఆ సినిమాకు దర్శకుడు ఎవరు అనే చర్చకు ఫుల్‌ స్టాప్ పెట్టారు. సినీ వర్గాలు మరియు మీడియా వర్గాల్లో వినిపిస్తున్న టాక్ ప్రకారం వైష్ణవ్ తేజ్ మరియు అనుదీప్‌ ల కాంబోలో సినిమా పట్టాలెక్కబోతుంది. ప్రస్తుతం స్క్రిప్ట్‌ వర్క్‌ జరుగుతోంది.

జాతి రత్నాలు సినిమాను పక్కా కామెడీ ఎంటర్ టైనర్ గా రూపొందించిన అనుదీప్ తదుపరి సినిమా వైష్ణవ్ తేజ్ తో మాత్రం ఒక యాక్షన్‌ ఎంటర్‌ టైనర్‌ గా రూపొందించేందుకు కథను సిద్దం చేస్తున్నట్లుగా తెలుస్తోంది. తన తదుపరి సినిమా యాక్షన్‌ మూవీ అంటూ ఇప్పటికే పలు ఇంటర్వ్యూల్లో అనుదీప్ చెప్పాడు. కనుక వైష్ణవ్ తేజ్ తో అనుదీప్ ఎలాంటి మాస్ యాక్షన్ సినిమాను చేస్తాడు అనేది చూడాలి. త్వరలో ఈ సినిమా అధికారిక ప్రకటన వచ్చే అవకాశం ఉంది.