రాజమౌళిని క్యాచ్ చేసిన అనుపమ

దాదాపు సంవత్సరం నుండి మీ సెట్లో ఒక ఇంటర్యూ చేద్దాం అని వెంటపడుతుంటే.. ఇప్పుడు రాజమౌళి టైమిచ్చాడు. వెంటనే వాలిపోయింది. ఒక కత్తిలాంటి ఇంటర్యూ చేసింది. పేరొందిన బాలీవుడ్ క్రిటిక్ అనుపమ చోప్రా.. అప్పట్లో సర్దార్ గబ్బర్ సింగ్ రిలీజ్ టైములో పవన్ కళ్యాణ్‌ ను ఇంటర్యూ చేసి సంచలనం సృష్టించి.. ఇప్పుడు బాహుబలి 2 రిలీజ్ దగ్గరపడటంతో.. రాజమౌళి డేట్స్ కూడా సంపాదించింది.

అయితే కేవలం రాజమౌళిని ఒక్కడినే కాకుండా.. మొత్తంగా బాహుబలి మూలస్తంభాలను ఇంటర్యూ చేసింది ఈ స్టయిలిష్‌ క్రిటిక్. ముందుగా రాజమౌళి అసలు ఇన్నేళ్ళ పాటు తన ప్యాషన్ ను కొనసాగించడానికి ఎలాంటి జాగ్రత్తలు తీసుకుంటాడు అని అడిగేసి.. తరువాత ప్రభాస్ ను.. కట్టప్ప సత్యరాజ్ ను.. ప్రొడక్షన్ డిజైనర్ సాబు సిరిల్ ను కూడా ప్రశ్నిస్తూ.. ఒక ఇంటరెస్టింగ్ ఇంటర్యూ చేసినట్లుంది. ఇప్పుడు కేవలం టీజర్ ను మాత్రమే రిలీజ్ చేసి.. త్వరలోనే ఫుల్ ఇంటర్యూ రిలీజ్ చేస్తానని ప్రకటించింది.

అసలు రాజమౌళి క్యాచ్ చేయడానికి బాలీవుడ్ పెద్దలు కూడా లైన్లోకి దిగిపోతే.. ఇక బాహుబలి 2 ప్రమోషన్లు ఏ రేంజులో మొదలవుతున్నాయో చూస్కోండి. ఏప్రియల్ 28 కోసం అందరూ ఎంత ఆతృతగా ఎదురుచూస్తున్నారో ఇంతకంటే వేరే చెప్పక్కర్లేదు.