అనుపమ కూడా సావిత్రి లానే..

మహానటి అని మొదట ఏ నోట నుంచి వచ్చిందో తెలియదు గాని ఆ పేరు సావిత్రి గారికి తప్ప మరెవ్వరికి సెట్ అవ్వదనే చెప్పాలి. తరాలు మారినా యుగాలు మారినా.. తెలుగు చిత్ర పరిశ్రమ ఉన్నంత వరకు సావిత్రి గుర్తుంటారు. ఎందుకంటే మాయాబజార్ ని మరచిపోవడం మన వల్ల అయ్యే పనేనా..అదొక్కటే కాదు ఇంకా ఎన్నో పాత్రలను మనం మరచిపోవడం జరగని పని. ఆ సినిమాను ముందుండి నడిపించిన ఆమె జీవితాన్ని ఇటీవల మహానటి సినిమా ద్వారా చూసే అదృష్టం దక్కింది.

కీర్తి సురేష్ సావిత్రి పాత్ర కోసమే పుట్టింది అనేలా ప్రస్తుతం సినిమా చూసిన ప్రతి ఒక్కరు అంటున్నారు. అంత క్రేజ్ తెచ్చుకున్న కీర్తి నిజంగా సావిత్రి పాత్ర కోసం ఎంతగా కష్టపడిందో స్పెషల్ గా చెప్పనవసరం లేదు. ఇకపోతే మరో ముద్దు గుమ్మ కూడా సావిత్రి తల్లి హావభావాలతో కనిపిస్తూ సోషల్ మీడియాలో వైరల్ అవుతోంది. అనుపమ పరమేశ్వరన్ కూడా కొంచెం సావిత్రి క్యాటగిరికి చెందినవారే కావడంతో ఆమె డీసెంట్ ని చూసి ఫాలోవర్స్ క్రియేటివిటీ ని ఉపయోగించి సావిత్రిలా మార్చేస్తున్నారు.

సావిత్రి ప్రదర్శించిన వివిధ రకాల హావభావాలకు తగ్గట్టుగా అనుపమ హావభావాలను కూడా జోడిస్తూ ఆమె అభిమానులు రకరకాలుగా పోటోలను తయారు చేస్తున్నారు. మరీ సావిత్రి అంత రేంజ్ లో కాకపోయినా కూడా అనుపమ తనదైన అందంతో సావిత్రి లాంటి మరో హీరోయిన్ అనేలా గుర్తింపు తెచ్చుకుంటోంది. ఇక నెటీజన్స్ చూపిస్తున్న ప్రేమకు మెల్ట్ అయ్యి అమ్మడు తన ట్విట్టర్ లో ఆ ఫొటోస్ ని షేర్ చేసుకుంటోంది.