ఆ డైరెక్టర్ పైనే ఆశలు పెట్టుకున్న అనుపమ

అనుపమ పరమేశ్వరన్...మలయాళ 'ప్రేమమ్' సినిమాతో ఎంత పాపులర్ అయ్యిందో అందరికీ తెలిసిందే. ఈ సినిమా ద్వారా బ్యూటీతో పాటు యాక్టింగ్ కూడా తన సొంతమని నిరూపించుకుంది. ఆ సినిమాతో అనుపమకు తెలుగులో కూడా చాలా సినిమా అవకాశాలు వెల్లువలా వచ్చి పడ్డాయి. అక్కినేని నాగచైతన్య హీరోగా నటించిన 'ప్రేమమ్' చిత్రంలో నటించిన అనుపమా పరమేశ్వరన్, నితిన్ సరసన 'అ ఆ' సినిమాలోనూ నటించింది. శతమానం భవతి, ఉన్నది ఒకటే జిందగీ, కృష్ణార్జున యుద్ధం తదితర చిత్రాలలో నటించి తన నటన ద్వారా తెలుగు ప్రేక్షకులకు మరింత దగ్గరైంది. తర్వాత మన తెలుగు హీరోల సరసన 'హలో గురూ ప్రేమ కోసమే' లాంటి అడపా దడపా చిత్రాలు చేస్తూనే వుంది.

'రాక్షసుడు' సినిమాతో విజయం సాధించినప్పటికీ, తర్వాత అవకాశాలు రాకపోవడంతో కాస్త గ్యాప్ వచ్చి రేస్ లో వెనుకబడిపోయింది. అయితే రీసెంటుగా నిఖిల్ హీరోగా ప్రారంభించిన 'కార్తికేయ-2' సినిమాలో హీరోయిన్ గా ఎంపికైందని సమాచారం. అనుపమ ఈ సినిమాలో హీరోయిన్ గా ఎంపికవడానికి ముందు చాలా పెద్ద కథే నడిచిందంట. వివరాల్లోకి వెళ్తే కార్తికేయ -2 చిత్రానికి డైరెక్టర్ చందు మొండేటి. ఈయన ఇంతకుముందు దర్శకత్వం వహించిన 'ప్రేమమ్' సినిమాలో అనుపమ హీరోయిన్. ఈ పరిచయంతో అను.. చందు మొండేటి పైనే మళ్లీ ఆశలు పెట్టుకుంది. అన్ని ప్రయత్నాలు చేసి చివరకు కార్తికేయ 2 మూవీలో ఛాన్స్ వచ్చేలా చేసుకుంది. అనుపమ కోసం చందు మొండేటి హీరో నిఖిల్ ని, నిర్మాతలను కూడా ఒప్పించాడంట. ఏదేమైనా ఈ సినిమాతో అనుపమ మళ్లీ ట్రాక్ లోకి రావాలని ఆమె అభిమానులు కోరుకుంటున్నారు.