అబ్బ‌బ్బా... అనుప‌మా అదిరిందిగా

ఎలాంటి గాడ్ ఫాద‌ర్ లేకుండా కేవ‌లం టాలెంట్‌ని, త‌న అందాన్ని న‌మ్ముకుని ఇండ‌స్ట్రీకి వ‌చ్చింది అనుప‌మా. మ‌ల‌యాళంలో హిట్ అయిన ప్రేమ‌మ్ అనుప‌మాను నిల‌బెట్టేసింది. అందులో చేసింది పెద్ద పాత్రేమీ కాదు... చిన్న‌దే. పావు గంట‌సేపు ఉంటుందేమో... అయినా అనుప‌మా అంద‌రి మ‌న‌సులు దోచేసింది. ఆ సినిమా త‌రువాతే ఆమె తెలుగు - త‌మిళంలో కూడా హీరోయిన్‌ గా అడుగు పెట్టేసింది.

అ.. ఆలో ప‌ల్లెటూరి పిల్ల‌గా క‌నిపించి అందంతో ఆక‌ట్టుకుంది. ఆమె వేసిన డైలాగులు కూడా ప్రేక్ష‌కుల చేత చ‌ప్ప‌ట్టు కొట్టింది. తరువాత వ‌చ్చిన శ‌త‌మానం భ‌వ‌తి - ఉన్న‌దీ ఒక్క‌టే జింద‌గీ సినిమాలు కూడా అనుప‌మాకు ప్ల‌స్ మార్కులే ప‌డేలా చేశాయి. వ‌రుస‌పెట్టి వ‌చ్చిన అవ‌కాశాల‌తో చాలా బిజీగా ఉంది అనుప‌మా. మ‌ధ్య‌లో ఫోటోషూట్లు కామ‌నే క‌దా. అలాంటి ఫోటో షూట్ల‌లో తీసిన ఫోటోనే ఇప్పుడు అందరి మ‌న‌సులు దోచేస్తోంది. ఆ ఫోటోలో అనుప‌మా ముద్ద‌మంతి పువ్వులా... కుంద‌న‌పు బొమ్మ‌లా ఉంది మ‌రీ. మెరుపుల లెహెంగాలో పెళ్లి కూతురిలా మెరిసిపోతోంది.

అనుప‌మా చేతి నిండా ఇప్పుడు సినిమాలు ఉన్నాయి. ప్ర‌స్తుతం నానీతో క‌లిసి కృష్ణార్జున యుద్దం సినిమా చేస్తోంది. పేరు పెట్ట‌ని క‌రుణాక‌ర‌ణ్ సినిమాలో కూడా న‌టించ‌డానికి ఒప్పుకుంది. ఉన్న‌దీ ఒక్క‌టే జింద‌గీ సినిమాలో రామ్‌ తో జోడీ క‌ట్టింది అనుప‌మా. వాళ్లిద్ద‌రూ పెయిర్ హిట్ట‌యింది. త్వ‌ర‌లో రామ్ సినిమాలో కూడా అనుప‌మా క‌నిపించే అవకాశం. హిట్ జోడీని రిపీట్ చేయాల‌న్న ఉద్దేశంతో ... త్వ‌ర‌లో రామ్ న‌టించ‌బోయే సినిమాలో అనుప‌మాకే ఛాన్స్ ఇవ్వాల‌ని చూస్తున్నార‌ట ద‌ర్శ‌క నిర్మాత‌లు.