అనుప‌మకు మార్ఫింగ్ ఫోటోల టెన్ష‌న్

సెల‌బ్రిటీల ట్విట‌ర్..ఇన్ స్టా గ్రామ్..ఫేస్ బుక్ ఖాతాలు హ్యాక్ అవ్వ‌డం రెగ్యుల‌ర్ గా చూస్తున్న‌దే. అటుపై త‌ప్పుడు మెసెజ్ లు పంపించడం..వ్య‌క్తిగ‌త ఫోటోల‌ను మార్ఫింగ్ చేసి షేర్ చేసి మాన‌సిక ఆనందాన్ని పొందుతుంటారు. అవి చూసిన నేటి జ‌నులు నిజంగా ఆ అమ్మ‌డు ఇలా చేసిందంటూ సోష‌ల్ మీడియాలో ర‌చ్చ చేయ‌డం గురించి తెలిసిందే. హ్యాక‌ర్ల‌కు వాళ్లు..వీళ్లు అనే తేడా ఉండ‌దు. ఎంత పెద్ద సెల‌బ్రిటీ అయినా హ్యాక‌ర్ల క‌న్ను ప‌డిందంటే! హ్యాక్ అవ్వాల్సిందే. గ‌తంలో ఇలా హ్యాకింగ్ కి గురైన ఖాతాలు చాలానే ఉన్నాయి.

అమితాబ‌చ్చ‌న్..ప‌వ‌న్ క‌ళ్యాణ్‌....మ‌హేష్ బాబు.. కాజ‌ల్ అగ‌ర్వాల్ ఇలా చాలా మంది సెల‌బ్రిటీల ఖాతాలు హ్యాక్ అయ్యాయి. వాళ్ల పేరుతో జ‌నాల్లోకి త‌ప్పుడు సందేశాలం పంపించ‌డం తో విష‌యం వెలుగులోకి రావ‌డం తదుప‌రి వివ‌ర‌ణ ఇవ్వ‌డం జ‌రుగుతుంటుం ది. తాజాగా మ‌ల‌యాళ బ్యూటీ అనుప‌మ ప‌ర‌మేశ్వ‌ర‌న్ ఫేస్ బుక్ ఖాతా కూడా హ్యాక్ అయింది. హ్యాక‌ర్లు అమ్మ‌డి ఖాతాలోకి చొర‌బ‌డి ఇష్టాను సారం ఆడేసుకున్నారు. అనుప‌మ ఫోటోల‌ను ర‌క‌ర‌కాలుగా మార్ఫింగ్ చేసి వాటిని చెడుగా ప్ర‌చారం చేసారు. దీంతో వెంట‌నే అనుప‌మ విష‌యాన్ని గ్ర‌హించి ఆ ఖాతాని డిలీట్ చేసింది.

మార్పింగ్ ఫోటోల‌ను...ఒరిజిన‌ల్ ఫోటోల‌ను పొల్చి ఇది హ్యాక‌ర్ల ప‌ని అని వివ‌ర‌ణ ఇచ్చింది. ఈ చెత్త ప‌ని చేయ‌డానికి చాలా స‌మ‌యం ప‌ట్టిన‌ట్లుంది. ఇలాంటి ప‌నులు చేయ‌డానికి సిగ్గు లేదా? అంటూ హ్యాక‌ర్ల‌కు గ‌డ్డి పెట్టింది. మరి అమ్మ‌డు మ‌రీ ఇంత వైలెంట్ గా రియాక్ట్ అయిందంటే? హ్యాక‌ర్లు అమ్మ‌డి ఫోటోల‌ను ఏ రేంజ్ లో షేర్ చేసి ఉంటారో? తెలుస్తోంది. ఇక అమ్మ‌డి సినిమాల విష‌యానికి వ‌స్తే రాక్ష‌సుడు త‌ర్వాత అనుప‌మ టాలీవుడ్ లో ఖాళీ అయిపోయిన సంగ‌తి తెలిసిందే. గ‌తేడాది విడుద‌లైన సినిమా మంచి విజ‌యం అందుకుంది. కానీ మ‌రో అవ‌కాశం రాలేదు. ప్ర‌స్తుతం మ‌ల‌యాళంలో రెండు సినిమాల్లో న‌టిస్తోంది.