అంటే.. అనుపమ ఎందుకు చేసినట్టో?

చిరునవ్వుతోనే ఎంతగానో ఆకట్టుకునే కర్లీ హెయిర్ బ్యూటీ అనుపమ పరమేశ్వరన్ తెలుగు చిత్ర పరిశ్రమలో మంచి సినిమాలు చేసింది కానీ అతి పెద్ద బాక్సాఫీస్ హిట్ సినిమాలు మాత్రం ఆమె అందుకోలేకపోయింది. మీడియం రేంజ్ హీరోలతో సినిమాలు బాగానే చేసినప్పటికీ కూడా ఆమెకు అంతకుమించి అగ్ర హీరోలతో అవకాశాలు కూడా రావడం లేదు. అలాగే రీసెంట్ గా ఆమె రౌడీ బాయ్ సినిమాలో మొదటిసారి లిప్ లాక్ సన్నివేశం తో కూడా షాక్ ఇచ్చింది.

అలాగే రొమాంటిక్ సన్నివేశంలో కూడా మైండ్ బ్లాక్ చేసిన అనుపమ పరమేశ్వరన్ కథ డిమాండ్ చేస్తే మాత్రం అలాంటి పాత్రలో నటించడానికి ఒప్పుకుంటాను అని చెప్పకనే చెప్పింది. అయితే ఆమె చేసిన రొమాంటిక్ పాత్ర మాత్రం పెద్దగా వర్కవుట్ కాలేదు. బాక్సాఫీస్ వద్ద రౌడీ బాయ్స్ సినిమా ఎలాంటి ఫలితాన్ని అందుకుందో ప్రత్యేకంగా చెప్పనవసరం లేదు. ఇక అనుపమ పరమేశ్వరన్ రీసెంట్ గా నాని సినిమాలో చేసిన ఒక పాత్ర అందరికీ ఆశ్చర్యాన్ని కలిగించింది.

నాని నజ్రియా జంటగా నటించిన అంటే సుందరానికి సినిమా గత శుక్రవారం ప్రేక్షకుల ముందుకు వచ్చిన విషయం తెలిసిందే. ఈ సినిమా పాజిటివ్ రివ్యూలు అందుకున్నప్పటికి కూడా బాక్సాఫీస్ వద్ద మాత్రం తీవ్రంగా నిరాశ పరుస్తోంది. అనుపమ పరమేశ్వరన్ ఈ సినిమాలో అవసరం లేదు అనే విధంగా కూడా కామెంట్స్ ఎక్కువగా వచ్చాయి. తనకంటూ ఒక స్పెషల్ స్టార్ ఇమేజ్ ను సొంతం చేసుకున్న అనుపమకు అలాంటి పాత్ర అవసరం లేదని అలాంటి పాత్రలో ఎందుకు కనిపించినట్టో ఎవరికీ అర్థం కాలేదని అంటున్నారు.

ఏదో చిన్న గెస్ట్ రోల్ పాత్ర అంటే ఆడియన్స్ కు సర్ ప్రైజ్ అనిపించాలి. అసలు ఆమె చేసిన పాత్రలో అలాంటి స్పార్క్ ఏమీ కూడా కనిపించలేదు. పైగా సోషల్ మీడియాలో ఇప్పుడు ఆమె ఫాలోవర్స్ కూడా అంటే సుందరానికి ఎందుకు చేసిందని కూడా అసంతృప్తి వ్యక్తం చేస్తున్నారు. ఇక ప్రస్తుతం ఈ బ్యూటీ చేతిలో నిఖిల్ 18 పెజెస్, కార్తికేయ 2 సినిమాలు కూడా ఉన్నాయి. అలాగే మరొక లేడీ ఓరియెంటెడ్ సినిమాలో కూడా నటిస్తోంది. మరి ఆ సినిమా ఎంత వరకు సక్సెస్ అవుతుందో చూడాలి.