ఈ పిల్ల స్పీడ్‌ మామూలుగా లేదే

టాలీవుడ్‌ లోకి అనూహ్యంగా దూసుకొచ్చింది నిత్యామీన‌న్‌. మ‌ల‌యాళం నుంచి వ‌చ్చిన ఈ రింగుల జుత్తు సుంద‌రి జూనియ‌ర్ సౌంద‌ర్య అన్న పేరు తెచ్చుకుంది. సౌంద‌ర్య త‌ర్వాత సౌంద‌ర్య‌గా టాలీవుడ్ స‌ర్కిల్స్‌ లో పాపుల‌ర్ అయ్యింది. నిత్యాకి ఏపీ, తెలంగాణ‌లో వీరాభిమానులున్నారు. ఆ అందానికి, ఆ అభిన‌యానికి ప్లాటైపోని కుర్రాడే లేడంటే అతిశ‌యోక్తి కాదు. అయితే ఇటీవ‌లి కాలంలో ఈ రింగుల జుత్తు సుంద‌రి టాలీవుడ్‌ లో ప‌రిమితంగానే సినిమాలు చేస్తోంది. నితిన్‌ తో సినిమాలు చేసిన త‌ర్వాత వేరే ఏ హీరోతోనూ క‌మిట‌వ్వ‌లేదు.

మ‌ణిర‌త్నం ఓకే బంగారం త‌ర్వాత మ‌ళ్లీ నిత్యా న‌టించిన సినిమా ఏదీ చ‌ర్చ‌ల్లోకి రాలేదు. స‌రిగ్గా ఇలాంటి టైమ్‌ లో ఎంట్రీ ఇచ్చింది అనుప‌మ ప‌ర‌మేశ్వ‌ర‌న్‌. ఈ భామ నిత్యాకి వార‌సురాలు అనే చెప్పాలి. చూడ‌టానికి సేమ్ లుక్స్‌ - చ‌బ్బీ రూపం - రింగుల జుత్తు ఆక‌ట్టుకుంటోంది. అందుకే మ‌న ఫిలింమేకర్స్ ఈ అమ్మ‌డికి ప‌డిపోయారు. ఇప్ప‌టికే త్రివిక్ర‌మ్‌ - దిల్‌ రాజు - చందు మొండేటి వంటి ద‌ర్శ‌కులు ఈ అమ్మ‌డికి ఛాన్సిచ్చి ఎంక‌రేజ్ చేస్తున్నారు. మాస్ మ‌హారాజ్ ర‌వితేజ హీరోగా దిల్‌ రాజు నిర్మిస్తున్న సినిమాలో ఈ అమ్మ‌డు ఓ కీల‌క‌పాత్ర‌లో న‌టిస్తోంది. అయితే ఇందులో క‌థానాయిక‌గా మాత్రం అనుప‌మ క‌నిపించ‌ద‌ని చెబుతున్నారు.

అలాగే నాగ‌చైత‌న్య స‌ర‌స‌న ప్రేమ‌మ్ రీమేక్‌ లో న‌టిస్తోంది. చందు మొండేటి ఈ చిత్రానికి ద‌ర్శ‌క‌త్వం వ‌హిస్తున్నాడు. ఇక నితిన్ స‌ర‌స‌న త్రివిక్ర‌మ్ ద‌ర్శ‌క‌త్వంలో ఓ గ్రాండ్ ఆఫ‌ర్ కొట్టేసింది. ఇలా నిత్యా లానే జెట్ స్పీడ్‌ తో దూసుకుపోతోంది. ఒకే ఒక్క ప్రేమం హిట్ (మ‌ల‌యాళంలో) ఇన్ని అవ‌కాశాలిచ్చింది. తెలుగు ప్రేక్ష‌కుల చేత అభిన‌వ సౌంద‌ర్య అనిపించుకుంటుందేమో చూడాలి మ‌రి.