మెగాస్టార్‌ తో సెల్ఫీ సంబరం

మెగాస్టార్ చిరంజీవితో సెల్ఫీ దిగే ఛాన్సొస్తే ఎవ‌రైనా వ‌దులుకుంటారా? ఇదిగో క్యూటీ అనుప‌మ ప‌ర‌మేశ్వ‌ర‌న్‌ కి అలాంటి అరుదైన అవ‌కాశం వ‌చ్చింది. ఈ విష‌యాన్ని మొన్న మెగా బ‌ర్త్‌ డే వేళ సంబ‌రంగా అభిమానుల‌కు షేర్ చేసుకుంది క్యూటీ బ్యూటీ.

ప్ర‌స్తుతం ఈ ఫోటో మెగాభిమానుల సామాజిక మాధ్య‌మాల్లో ఒక‌టే జోరుగా వైర‌ల్ అవుతోంది. క్యూట్ అనుప‌మ మెగాస్టార్ చెంత కూచుని ఎంత సంబ‌రంగా సెల్ఫీ తీసుకుంది? అబ్బ‌బ్బ.. భ‌లే ఛాన్స్ కొట్టేసిందే. క‌నిపించ‌దు కానీ నాటీ! అంటూ ఫ్యాన్స్ అంతా ఒక‌టే ఇదైపోతున్నారు. సార్.. ప్లీజ్ ఒక్క సెల్పీ! అంటూ మెగాస్టార్‌ ని బ‌తిమాలేసి ఉంటుందిలే! అని నానా ఇదైపోతున్నారు పో!

తేజ్ .. ఐ ల‌వ్ యు! అంటూ అచ్చం మెగాస్టార్ పోలిక‌ల‌తో ఉన్న సాయిధ‌ర‌మ్‌ తేజ్ స‌ర‌స‌న న‌టించేసింది. ఇక‌మీద‌ట కూడా మెగా హీరోల స‌ర‌స‌న ఈ అమ్మ‌డు అవ‌కాశాలు అందుకుంటుంద‌న‌డంలో ఎలాంటి సందేహం లేదు. ప్ర‌స్తుతం రామ్ స‌ర‌స‌న `హ‌లో గురు ప్రేమ‌కోస‌మే` చిత్రంలో న‌టిస్తోంది. దీంతో పాటే న‌ట‌సార్వ‌భౌమ అనే చిత్రంతోనూ బిజీ. త‌దుప‌రి మెగా ఛాన్స్ ఏదైనా ద‌క్కుతుందేమో చూడాలి.