అనుపమ సినిమాల కంటే అక్కడే ఎక్కువ సక్సెస్

మలయాళీ ముద్దుగుమ్మ అనుపమ పరమేశ్వరన్ టాలీవుడ్ లో మంచి ఎంట్రీ దక్కించుకున్న ప్రస్తుతం మాత్రం అంతంత మాత్రంగానే అవకాశాలు రాబట్టుకుంటుంది. ప్రస్తుతం ఆమె టాలీవుడ్ కోలీవుడ్ లో కొన్ని సినిమాలు చేస్తున్న కూడా అవి భారీ సినిమాలు కావు. కనుక ఆమె స్టార్ హీరోలతో అవకాశాల కోసం ఎదురు చూస్తోంది.

సినిమాల పరంగా ఈమె ఎక్కువ సక్సెస్ కాకున్నా సోషల్ మీడియాలో మాత్రం సూపర్ హిట్ అయ్యింది అని చెప్పుకోవచ్చు. ప్రస్తుతం సెలబ్రెటీలు అంత కూడా ఇన్స్టాగ్రామ్ లో హడావుడి చేస్తున్నారు. తమ స్టార్ డం ను ఇన్స్టాగ్రామ్ ఫాలోవర్స్ సంఖ్య తో చాటి చెప్పేందుకు తాపత్రయ పడుతున్నారు.

అనుపమ తాజాగా ఇన్స్టాగ్రామ్ లో ఏకంగా 7 మిలియన్ల ఫాలోవర్స్ ను దక్కించుకుంది. ఈ సందర్భంగా ఈ ఫోటోను షేర్ చేసి నా సోషల్ మీడియా ఫ్యామిలీ అంతా కూడా లైక్ చేయండి అంటూ పోస్ట్ పెట్టింది. బాలీవుడ్ సెలబ్రెటీలతో పోల్చితే సౌత్ సెలబ్రెటీలు మొన్నటి వరకు ఇన్స్టాగ్రామ్ లో కాస్త తక్కువ జోరుతో ఉన్నారు. కానీ ఇప్పుడు పరిస్థితి మారింది.

పెద్దఎత్తున హాట్ ఫొటోస్ పెట్టడంతో సౌత్ హీరోయిన్స్ కూడా భారీ ఎత్తున ఫాలోవర్స్ అవుతున్నారు. అనుపమ జోరు చూస్తుంటే త్వరలో 10 మిలియన్స్ ఫాలోవర్స్ ను చేరే అవకాశం ఉంది. సినిమాల్లో జోరు చూపకున్నా సోషల్ మీడియాలో ఇలా దూసుకు పోతుంది.