పవర్ స్టార్ పక్కన ప్రేమమ్ బ్యూటీ

మల్లూ బ్యూటీ అనుపమ పరమేశ్వరన్ హీరోయిన్ గా ఫుల్ ఫాంలో ఉంది. మళయాళ ప్రేమమ్ సినిమాతో ఇండస్ట్రీలోకి అడుగు పెట్టిన ఈ సుందరి త్రివిక్రమ్ డైరెక్షన్ లో వచ్చిన ‘అఆ’ సినిమాతో టాలీవుడ్ లో ఎంటరయింది. శతమానం భవతి హిట్ తరవాత ఈ భామకు అవకాశాలు బాగానే వచ్చాయి. ప్రస్తుతం యూత్ హీరోలతో సినిమాలు చేస్తూ స్టార్ హీరోయిన్ రేంజికి చేరుకుంది.

మళయాళం.. తెలుగు భాషల్లో తన రేంజి పెంచుకుంటూ వచ్చిన వచ్చిన అనుపమ ఇప్పుడు సౌత్ లో ఇంకో భాషలో పాగా వేయడానికి రెడీ అయిపోయింది. కన్నడలో ఓ సినిమా చేయడానికి ఓకే చెప్పేసింది. శాండల్ వుడ్ లో ఫస్ట్ మూవీయే స్టార్ హీరో పక్కన ఆఫర రావడంతో కాదనలేకపోయింది కన్నడ పవర్ స్టార్ పునీత్ రాజ్ కుమార్ పక్కన నటసార్వభౌమ సినిమాలో అనుపమ హీరోయిన్ గా నటించింది. వచ్చే నెలలో ఈ సినిమా రెగ్యులర్ షూటింగ్ ప్రారంభం కానుంది.

నట సార్వభౌమ సినిమాను పవన్ వడియార్ డైరెక్ట్ చేస్తున్నాడు. ఇతడు ఇంతకుముందు తెలుగులో మంచు మనోజ్ హీరోగా పోటుగాడు సినిమా తీశాడు. లాంచింగ్ సినిమాయే పెద్ద ప్రాజెక్టు కావడంతో కన్నడలోనూ క్రేజ్ సంపాదించుకుంటానని అనుపమ నమ్మకంతో ఉంది. ప్రస్తుతం ఈ భామ హీరోయిన్ గా నటించిన తేజ్.. ఐలవ్ యూ రిలీజ్ కు రెడీగా ఉంది. రామ్ హీరోగా చేస్తున్న హలో గురు ప్రేమ కోసమే షూటింగ్ లో ఉంది.