అనుష్క వచ్చింది.. లెక్కలు మారాయి

మొన్నటి వరకు ఒక లెక్క జనవరి అంతా ఒక లెక్క అన్నట్లు అనుష్క చెప్పకనే చెప్పసింది. ఎందుకంటే బాహుబలి తరువాత ఆ స్థాయిలో మారేసినిమా అంతగా బాక్స్ ఆఫీస్ లెక్కలను తిరగరాయలేదు. అయితే 2018 జనవరి మొత్తంలో సరికొత్త రికార్డులు నమోదు కాబోతున్నాయని తెలుస్తోంది. పవన్ మొదలు పెడితే సందీప్ కిషన్ ఈ నెలను తన సినిమాతో ఎండ్ చేయనున్నాడు. బాహబలి అంత కాకపోయినా నాన్ బాహుబలి అని ఓ రికార్డ్ లో స్థానం సంపాదించుకోవాలని చూస్తున్నారు.

ఇక 26 లోపు ఏ ఏ సినిమాలు రిలీజ్ కాబోతున్నాయో ఎంతవరకు వసూళ్లు రాబడతాయో అనే విషయంలో మొన్నటి వరకు కొంచెం క్లారిటీ ఉండేది. కానీ అనుష్క లెక్కలు తేలాలి అనడంతో అన్ని ఒక్కసారిగా తారుమారయ్యాయి. యూవీ క్రియేషన్ లో నిర్మించిన భాగమతి ట్రైలర్ రీసెంట్ గా రిలీజ్ అయ్యింది. అయితే అనుష్క అరుంధతి రేంజ్ లో రికార్డులను కొట్టేలా ఉందని ట్రైలర్ చూస్తూ ప్రేక్షకులు కామెంట్స్ చేస్తున్నారు. అయితే జనవరి 25 - 26వ తేదీల్లో మొత్తంగా 6 సినిమాలు రిలీజ్ కాబోతున్నాయి.

25న దండుపాళ్యం - రాజారథం. ఇక ఆ తరువాత రోజు నాలుగు సినిమాలు పోరాటం చేయనున్నాయి. అనుష్క భాగమతితో పాటు ఆచారి అమెరికా యాత్ర - అభిమన్యు అలాగే మహేష్ సోదరి మనసుకు నచ్చింది సినిమాలు కూడా 26వ తేదీన రిలీజ్ కానున్నాయి. అయితే బాగమతి సినిమాపై అంతగా హైప్స్ ఏమి ఉండకపోవచ్చు అని మొదట అంతా అనుకున్నారు. కానీ ట్రైలర్ ని చూస్తుంటే బాగమతి ధాటికి మిగతా 5 సినిమాల కలెక్షన్స్ కొంచెం తేడా కొట్టేలా ఉన్నాయని తెలుస్తోంది. మరి అనుష్కకు ఎంతవరకు పోటీని ఇస్తారో చూడాలి.