నాలుగు బాషల్లోనూ ఎక్కుతుందా?

సౌత్ లేడి సూపర్ స్టార్ అనుష్క శెట్టి - భాగమతి కోసం ప్రస్తుతం అభిమానులు చాలానే ఎదురుచూస్తున్నారు. ఇప్పటికే ట్రైలర్ ప్రోమో సాంగ్స్ సోషల్ మీడియాలో తెగ వైరల్ అవుతున్నాయి. ఇక సినిమా తెలుగు తమిళ్ ప్రమోషన్స్ చిత్ర యూనిట్ భారీ స్థాయిలో నిర్వహించింది. తప్పకుండా సినిమా హిట్ అవ్వాలని అనుష్క కూడా ప్రమోషన్స్ లో పాల్గొంటోంది. అయితే కేరళలో కూడా స్వీటి కొత్త ప్లాన్ వేసింది.

మాలీవుడ్ స్టార్ డైరెక్టర్ బి.ఉన్ని కృష్ణన్ భాగమతి సినిమాను మలయాళం తమిళ్ లో పంపిణీదారుడిగా వ్యవహరిస్తున్నాడు. అయితే అక్కడ స్వీటి కొంత మంది స్టార్స్ తో కలిసి ప్రచారాలకు వెళ్లడానికి ప్లాన్ చేస్తోంది. ఇప్పటికే అక్కడ రిలీజ్ కు అన్ని ఏర్పాట్లు పూర్తయ్యాయి. అనుష్క సినిమాలకు అక్కడ మార్కెట్ కూడా బాగానే ఉండడంతో ఓపెనింగ్స్ హై లెవెల్లో ఉండనున్నాయని టాక్. సినీ పండితులు కూడా అదే చెబుతున్నారు. అయితే అనుష్క వెళ్లినా వెళ్ళకున్నా అక్కడకు పబ్లిక్ రావడం మాములే. కానీ ఎక్కువగా కలెక్షన్స్ అందే ఛాన్స్ ఎంతవరకు ఉందంటారు?

భాగమతి సినిమా బాహుబలి తెచ్చిన క్రేజుతో ఒకేసారి ఏకంగా నాలుగు బాషల్లో రిలీజ్ అవుతోంది. అయితే ఆ రేంజులో రిలీజై హిట్టయ్యే సత్తా ఈ కంటెంట్ కు ఉందా అనేదే ఇప్పుడు తేలాల్సిన అంశం. ఎందుకంటే మనకు నచ్చే హారర్ కామెడీలు సాధారణంగా తమిళం అండ్ మలయాళంలో నచ్చవ్. అక్కడ ఆడిన హారర్ సినిమాలను ఇక్కడ తీస్తే వర్కవుట్ కావట్లేదు. చూద్దాం ఇక ఫైనల్ గా సినిమా జనవరి 26న రిలీజ్ కానుంది. జి.అశోక్ తెరకెక్కించిన ఈ సినిమాను యూవీ క్రియేషన్స్ నిర్మించిన సంగతి తెలిసిందే