భాగమతిని దూరంగా జరపండి ప్లీజ్

ఒక ఏడాదిలో నాలుగు సినిమాలు చేసేయడం అంటే.. ఆ హీరోయిన్ ఫుల్ ఖుషీగా ఉండాలి. ఇప్పటికే సింగం3.. ఓం నమో వెంకటేశాయ చిత్రాలను రిలీజ్ చేసిన అనుష్క.. బాహుబలి ది కంక్లూజన్.. భాగమతి చిత్రాలను విడుదల చేసేందుకు రెడీ అయిపోతోంది. ఏప్రిల్ 28న బాహుబలి2 రిలీజ్ కానున్న సంగతి తెలిసిందే.

అయితే.. భాగమతికి ఇప్పుడు రిలీజ్ డేట్ ఫిక్స్ చేసినట్లు తెలుస్తోంది. స్వతంత్ర దినోత్సవం సందర్భంగా ఆ వారంలో భాగమతిని రిలీజ్ చేయనున్నారట. పిల్ల జమీందార్ ఫేమ్ అశోక్ రూపొందించిన ఈ చిత్రంపై అంచనాలు ఎక్కువగానే ఉన్నాయి. పైగా ప్రభాస్ కి బాగా ఇష్టమైన బ్యానర్ యూవీ క్రియేషన్స్ ఈ చిత్రాన్ని తెరకెక్కించడంతో.. ప్రచార కార్యక్రమాలకు కూడా హెల్ప్ చేసే అవకాశం ఉంది. అయితే.. అసలీ భాగమతిని మే నెలలోనే విడుదల చేసేయాలని భావించారట మేకర్స్. కానీ ఒక రోజు గ్యాప్ లో విడుదలైన సింగం3.. ఓం నమో వెంకటేశాయ చిత్రాలను ఫలితాలను చూసిన అనుష్క.. రిలీజ్ మధ్యలో గ్యాప్ ఉండాల్సిందేనని గట్టిగా పట్టు పట్టిందట.

ఎలగో ఏప్రియల్ చివరన బాహుబలి 2 వస్తోంది కాబట్టి.. దాని ఇంపాక్ట్ ఒక రెండు నెలలు ఉంటుంది. అందుకే ఇప్పుడు భాగమతి సినిమాను ఇండిపెండెన్స్ డే వారానికి షిఫ్ట్ చేసినట్లు తెలుస్తోంది. భాగమతిగా అనుష్క టైటిల్ రోల్ పోషిస్తుండగా.. హారర్ జోనర్ లో నడిచే సోషల్ డ్రామా ఇది అని తెలుస్తోంది.

Like Us on Facebook : https://www.facebook.com/Tupakidotcom/