దేవసేనకు వాహన గండం

బాహుబలి మూవీలో దేవసేన పాత్రను అనుష్క మెప్పించిన తీరు అద్భుతం అనాల్సిందే. ఈ సినిమాలో అనుష్కను తీసుకుళ్లేందుకు ప్రభాస్ ఓ హంసనావను సిద్ధం చేస్తాడు. ఆ నావపై తీసిన పాట కూడా బాగుంటుంది. ఎలా పడితే అలా గాల్లో కూడా ఎగిరిపోతారు హీరో హీరోయిన్లు.

కానీ ఇవన్నీ సినిమాల్లోనే చెల్లుతాయి. రియల్ లైఫ్ లో ఆర్టీఏ అధికారులకు చిక్కితే ఎలా ఉంటుందో తొలిసారిగా తెలిసొచ్చింది దేవసేనకి.. సారీ అనుష్కకు తెలుసొచ్చింది. హంసనావ రేంజ్ లో కాకపోయినా.. హీరోయిన్ అనుష్కకు ఓ కార్వాన్ ఉంటుంది. ప్రస్తుతం భాగమతి షూటింగ్ లో పాల్గొంటున్న అనుష్క.. అందుకోసం తమిళనాడులోని పొలాచ్చికి వెళ్లింది. అక్కడ ఈమె వాహనాన్ని ఆర్టీఏ అధికారులు పరిశీలించారు. డ్రైవర్ దగ్గర అసలు ఏ విధమైన పత్రాలు లేకపోవడంతో.. అనుష్క కార్వాన్ ను స్వాధీనం చేసేసుకున్నారట.

ఆర్టీఏ నిబంధనలకు విరుద్ధంగా ఈ వెహికల్ ను నడుపుతున్నారని ఆర్టీఏ అధికారులు అంటున్నారు. అసలు డ్రైవర్ దగ్గర ఒక్క డాక్యుమెంట్ కూడా లేకపోవడం వారికి మైండ్ బ్లాంక్ చేసిందట. కాసేపు మాట్లాడినా ప్రయోజనం లేకపోవడంతో.. ఇక యూనిట్ వర్గాలు ఏర్పాటు చేసిన వేరే వాహనంలో అక్కడి నుంచి బయల్దేరిందట అనుష్క.

Like Us on Facebook : https://www.facebook.com/Tupakidotcom/