సైజ్ కోసం స్వీటీకి రెండు కోట్లు లాస్

ప్రస్తుతం టాలీవుడ్ లో టాప్ హీరోయిన్ ఎవరంటే అనుష్క పేరే చెప్పాలి. ఈ ఏడాది మూడు రకాల పాత్రలతో ఇండస్ట్రీలో తన ప్రత్యేకత ఏంటో చాటుకుంది స్వీటీ. బాహుబలిలో దేవసేనగా - రుద్రమదేవిలో రుద్రమగా అలాగే సైజ్ జీరోలో ఒబేసిటీతో బాధపడే అమ్మాయిగా.. మూడు వేరియేషన్స్ ఉన్న కేరక్టర్స్ చేసి తన స్పెషాలిటి ప్రూవ్ చేసుకుంది. అయితే.. సైజ్ జీరో కారణంగా అనుష్కకి భారీ లాస్ వచ్చింది.

ప్రస్తుతం స్వీటీని ఓ ప్రాజెక్ట్ లో ఒప్పించాలంటే.. ఆమె కేరక్టర్ కి ఇంపార్టెన్స్ ఉండడంతోపాటే.. అక్షరాలా రెండు కోట్లు చెల్లించుకోవాలి. కాకపోతే మహేష్ బాబు లాంటి కొందరు స్టార్స్ ను చూసి ఇంప్రెస్ అయిన అనుష్క.. తనకు కాన్సెప్ట్ నచ్చితే రెమ్యూనరేషన్ కి బదులు.. వాటాలు తీసుకోవాలని నిర్ణయించుకుంది. ఇప్పుడు సైజ్ జీరో కోసం 20 కిలోల వెయిట్ పెరగడమే కాదు.. రెమ్యూనరేషన్ గా రూపాయి కూడా తీసుకోకుండా చేసేసింది. ఇదంతా లాభాల్లో వాటా కోసమే చేసినా.. స్వీటీ చేసిన అంత రిస్క్ కి ప్రతిఫలం దక్కలేదు. పబ్లిసిటీ హడావిడితో వీకెండ్ లో పర్వాలేదనిపించిన సైజ్ జీరో.. సోమవారం నుంచి భారీగా డ్రాప్ అయిపోయింది. అసలు ఇప్పుడొచ్చే పదీ పాతికను కలెక్షన్ అనేందుకు కూడా లేదంటున్నారంటే.. పరిస్థితి అర్ధం అవుతుంది.

అంత కష్టపడి, ఇష్టపడి, రిస్క్ చేసి చేసిన ప్రాజెక్ట్ ఇటు డబ్బులు తెచ్చిపెట్టకపోవడంతో పాటు.. అనుష్క కెరీర్ లో భారీ ఫ్లాప్ అయిన వర్ణకు మించిన డిజాస్టర్ అయిపోయింది. దీంతో సైజ్ జీరో... అన్ని విధాలా అనుష్కకు చేసిన లాభం ఏం లేదన్న మాట.