అనుష్క సింగిల్‌ హ్యాండ్‌ బ్యాటింగ్‌

స్వీటీ అనుష్క మనసు వెన్నపూస. మాట తీరు ప్లెజెంట్‌. గౌరవం ఇచ్చి పుచ్చుకోవడంలో సో స్వీట్‌. అందుకే పరిశ్రమలో నంబర్‌ 1 స్థానానికి ఎదిగింది. ఎదిగినా ఒదిగి ఉండే స్వభావం వల్లే స్టార్‌ హీరోయిన్‌ గా రాణించగలిగింది. అంతే కాదండోయ్‌.. అనుష్క నిర్మాతల హీరోయిన్‌. సినిమాలో నటించామా? రెమ్యునరేషన్‌ తీసుకున్నామా? చేతులు దులిపేసుకున్నామా? అనే టైపు కాదు. సినిమా పూర్తయ్యాక ప్రమోషన్‌ బాధ్యత కూడా తనే తీసుకుంటుంది. అట్నుంచి హీరోలు వచ్చినా రాకపోయినా తన పని తాను చకచకా చేసుకుపోతుంది.

ప్రస్తుతం స్వీటీ నటించిన రుద్రమదేవి 3డి రిలీజ్‌ కి రెడీ అవుతోంది. దర్శకుడు గుణశేఖర్‌ సెప్టెంబర్‌ 4 రిలీజ్‌ తేదీ అంటూ ప్రకటించేశారు. తిప్పి కొడితే 15రోజులు. ఎంత ప్రచారం చేసినా రెండు వారాలే టైముంది. కాబట్టి ఇప్పట్నుంచే ప్రమోషన్‌ ని పీక్స్‌ కి తీసుకెళ్లాల్సిన టైమొచ్చింది. అయితే ఇంతవరకూ ఈ సినిమాలో నటించిన డజను స్టార్ల లో ఏ ఒక్కరూ ముందుకొచ్చినట్టు కనిపించలేదు.

గోనగన్నారెడ్డి పాత్రలో నటించిన బన్ని ప్రస్తుతం బోయపాటి సినిమాతో బిజీ. చాళుక్య వీరభద్రుడిగా నటించిన రానా బెంగళూర్‌ డేస్‌ సినిమాతో రానా బిజీ. కాబట్టి ఈ హీరోలెవరూ కనిపించలేదు. కానీ స్వీటీ అనుష్క మాత్రం అంతా తన భుజస్కంధాలపై భారం వేసుకుని నడిపిస్తోంది. ఇదిగో ఈ ఫోటో లో కేక్‌ కట్‌ చేసి రుద్రమదేవి గురించి ప్రచారం మొదలెట్టింది. అయితే ఇలా ఒంటరి పోరాటం ఎంతవరకూ? హీరోలు కూడా ఈ చారిత్రక సినిమా విజయానికి ప్రమోషన్‌ చేయాల్సిందే. బాహుబలికి తెచ్చినంత క్రేజు తేవాల్సిందే.