సోగ్గాడి కృష్ణ కుమారిగా స్వీటీ అదుర్స్

సోగ్గాడే చిన్ని నాయనలో నలుగురు అందాల భామలతో టాలీవుడ్ మన్మథుడు నాగార్జున రొమాన్స్ చేశాడు. రమ్యకృష్ణ, లావణ్య త్రిపాఠి, అనసూయ, హంసానందిని.. ఇంతమంది ఉన్నా మరో కేరక్టర్ గురించి నాగ్ తెగ ఊరించాడు. కృష్ణ కుమారి అనే పాత్రను వెనుకనుంచి చూపించి, ఎవరో ఊహించాలంటూ జనాలకు టీజర్ వదిలాడు నాగ్. ఇప్పుడు సోగ్గాడే చిన్ని నాయన థియేటర్లలోకి వచ్చేసింది.

కృష్ణ కుమారి ఎవరో తెలిసిపోయింది. స్వీటీ అనుష్కను చూసి ప్రేక్షకులు సర్ ప్రైజ్ అయ్యారు. పల్లెటూరి సుందరిగా చీర కట్టుతో అనుష్క కనిపించింది. పక్కా గ్రామీణ పడతిగా ప్రేక్షకులను మైమరిపించింది. స్వీటీ కేరక్టర్ కూడా చాలా బాగా వచ్చింది. సోగ్గాడి పక్కన ఓ పాటలో కూడా మెరిసింది. నాగ్ పక్కన అనేక సినిమాల్లో కనిపించి, పర్ఫెక్ట్ జోడీ అనిపించుకున్న స్వీటీ.. మరోసారి మన్మథుడి పక్కన మెరిసిపోతూ కనిపించింది. ఇప్పుడు టాప్ హీరోయిన్ రేంజ్ లో ఉన్న ఈ భామను అసలు ఇండస్ట్రీకి తెచ్చింది నాగార్జునే.

పదేళ్ల క్రితం 2005లో సూపర్ సినిమాతో తొలిసారి నాగ్ తో జంట కట్టిన అనుష్క, ఆ తర్వాత కూడా తమ కాంబినేషన్ ని కంటిన్యూ చేసింది. రగడ, ఢమరుకం, డాన్,. కింగ్, కేడి వంటి చిత్రాలలో నాగ్ తో రొమాన్స్ చేసింది స్వీటీ. ఇప్పుడు మరోసారి కృష్ణ కుమారిగా సోగ్గాడి పక్కన మెరిసిపోయింది. సర్ ప్రయిజ్ అంటే మరీ ఇంత పెద్ద గా ఊహించని ప్రేక్షకులు బాగానే థ్రిల్ ఫీలయ్యాయరు.