సాహో అనుష్క చేజారిపోయిందా?

సాహో మూవీ ప్రభాస్ కెరీర్ లో చాలా ముఖ్యం అనే సంగతి తెలిసిందే. బాహుబలి2 తర్వాత.. తన జోరు కొనసాగించేందుకు సాహోతో తప్పనిసరిగా.. నేషనల్ వైడ్ గా మంచి సక్సెస్ సాధించాల్సి ఉంది. అందుకే ఈ సినిమా విషయంలో మేకర్స్ అనేక జాగ్రత్తలు తీసుకుంటున్నారు.

ఇందులో భాగంగా ప్రభాస్ తో బాహుబలి సహా పలు చిత్రాలలో మెప్పించిన అనుష్కను.. హీరోయిన్ గా తీసుకోబోవడం లేదని తెలుస్తోంది. నిజానికి అనేక మంది బాలీవుడ్ భామలను పరిశీలించిన తర్వాత.. చివరకు బాహుబలి కాంబోనే కంటిన్యూ చేసేందుకు నిర్ణయించారు దర్శక నిర్మాతలు. అయితే.. ఇందుకోసం ఈమె కొంత బరువు తగ్గాల్సి ఉంటుంది. ఇందుకోసం ఆమెకు తగినంత సమయం కూడా ఇచ్చారు. కానీ.. తాను చెప్పిన సమయంలో కానీ.. సాహో మేకర్స్ ఇచ్చిన టైంలో కానీ.. తగినంత బరువు తగ్గడంలో అనుష్క విఫలమైందట.

ఇది కంప్లీట్ గా యాక్షన్ ఎంటర్టెయినర్ కావడంతో.. హీరోయిన్ బబ్లీగా ఉంటే చూసేందుకు ఎబ్బెట్టుగా ఉంటుందని మేకర్స్ భావన. కానీ ప్రస్తుతం ఎంతగా శ్రమిస్తున్నా.. అనుకున్న బరువు కంటే ఇంకా 8 కిలోల వరకూ ఎక్కువగానే ఉందట అనుష్క. దీంతో మరో హీరోయిన్ ను వెతుక్కునేందుకు సాహో మేకర్స్ నిర్ణయించుకున్నట్లు టాక్ వినిపిస్తోంది.