బ‌న్నీ.. ప్రియ‌మ‌ణి కాదా? అనుష్క‌తోనా

అల్లు అర్జున్ హీరోగా బోయ‌పాటి శ్రీ‌ను ద‌ర్శ‌క‌త్వంలో స‌రైనోడు (వ‌ర్కింగ్ టైటిల్‌) తెర‌కెక్కుతున్న సంగ‌తి తెలిసిందే. ఈ సినిమా ప్ర‌స్తుతం హైద‌రాబాద్ ప‌రిస‌రాల్లో శ‌ర‌వేగంగా తెర‌కెక్కుతోంది. బోయ‌పాటి సెట్‌ లో న‌ట‌న స‌హా ప్ర‌తి పిన్ పాయింట్ ద‌గ్గ‌రుండి చూపిస్తున్నాడ‌ని, క‌మిట్‌ మెంట్‌ తో అద‌ర‌గొట్టేస్తున్నాడ‌ని చిత్ర‌యూనిట్ ముచ్చ‌టిం చుకోవ‌డం విశేషం. ఈ సినిమా ఓ క‌ల‌ర్‌ ఫుల్ ఫ్యామిలీ ఎంట‌ర్‌ టైన‌ర్‌. ప్ర‌తి ఫ్రేమును బోయ‌పాటి త‌న‌దైన శైలిలో రంగుల మ‌యం చేస్తున్నాడు. బ‌న్ని ఓ కాప్ గెట‌ప్‌ లో క‌నిపిస్తాడ‌ని ముచ్చ‌టించుకుంటున్నారు. బ‌న్ని స‌ర‌స‌న అందాల నాయిక ర‌కూల్ ప్రీత్ సింగ్ క‌థానాయికగా న‌టిస్తోంది.

ఈ చిత్రంలో ఐటెమ్ నంబ‌ర్ రూపంలో మ‌రో ప్ర‌త్యేక ఆకర్ష‌ణ ఉంటుంద‌ని ఇటీవ‌ల ప్ర‌చార‌మైంది. ర‌బ్బ‌రు గాజుల పిల్ల ప్రియ‌మ‌ణి బ‌న్ని సినిమాలో ఐటెమ్ నంబ‌ర్‌ లో న‌ర్తిస్తుంద‌ని నిన్న‌టిరోజున చెప్పుకున్నారు. అయితే ఇంత‌లోనే పేరు మారింది. ఐటెమ్ నంబ‌ర్‌ లో న‌ర్తించేది ప్రియ‌మ‌ణి కాదు స్వీటీ అనుష్క శెట్టి అని తెలుస్తోంది. ప్రియ‌మ‌ణి కంటే అనుష్క అయితేనే ఫామ్‌ లో ఉంది కాబ‌ట్టి జ‌నాల‌కు ట్రీట్ ఇచ్చిన‌ట్టు అవుతుంద‌ని యూనిట్ వ‌ర్గాలు వెల్ల‌డిస్తున్నాయి. బ‌న్ని తో పాటు వేదం సినిమాలో న‌టించింది అనుష్క‌. మ‌ళ్లీ ఇంత కాలానికి మ‌రో అవ‌కాశం అన్న‌మాట‌. ప్రియ‌మ‌ణి చేయ‌లేనిది అనుష్క ఏం చేస్తుందో? చూడాలి.