పచ్చదనం కాన్సెప్ట్ తో విరుష్క రిసెప్షన్

గ్రాండ్ లెవెల్ లో పెళ్లి చేసుకోవడం సాధ్యమే అయినా.. విరాట్ కోహ్లీ- అనుష్క శర్మలు అత్యంత సన్నిహితుల మధ్యే పెళ్లి చేసుకున్నారు. అత్యంత ఖరీదైన రిసార్ట్ లో డిసెంబర్ 11న వీరి వివాహం జరగగా.. ఇంకా ఇటలీలోనే వీరు చక్కర్లు కొడుతున్నారు.

రోమ్ నగరంతో పాటు చుట్టుపక్కల ప్రాంతాల్లో తమ హనీమూన్ ట్రిప్ ను ఎంజాయ్ చేస్తున్నారు. సీక్రెట్ గా మొదలుపెట్టి.. తర్వాత పెళ్లిపై అనౌన్స్ మెంట్ ఇచ్చిన ఈ జంట.. గ్రాండ్ లెవెల్ లో రిసెప్షన్ ఇవ్వబోతున్నారు. ఢిల్లీలో వీరి రిసెప్షన్ ను ప్లాన్ చేయగా.. ఈ నెల 21న ఈ కార్యక్రమం జరగనుంది. ఈ వేడుకకు బాలీవుడ్ స్టార్స్ తో పాటు.. ఇండియన్ క్రికెట్ ప్లేయర్స్ అంతా అటెండ్ కానున్నారు. ఇప్పటికే ఈ రిసెప్షన్ కు సంబంధించిన ఇన్విటేషన్స్ కూడా పంచేస్తున్నారు. తమ అత్యంత సన్నిహితులకు ఈ కార్డులను కుటుంబసభ్యుల ద్వారా అందచేస్తుండడం విశేషం.

క్రికెట్ దేవుడుగా గుర్తింపు పొందిన సచిన్ టెండూల్కర్ కు తొలి కార్డును పంపాడట విరాట్ కోహ్లీ. మరోవైపు.. ఇండస్ట్రీలో తనకు అత్యంత ప్రియమైన వ్యక్తి అయిన కింగ్ ఖాన్ షారూక్ కు ఆహ్వానం పంపిందట అనుష్క. అయితే.. ఈ పెళ్లి కార్డుతో పాటు గ్రీన్ కాన్సెప్ట్ తో అందించడం అందరినీ ఆకట్టుకుంటోంది. ఓ మొక్కను కూడా తమ కార్డులో ఇన్ క్లూడ్ చేసి మరీ విరాట్-అనుష్కల రిసెప్షన్ కార్డ్ ను డిజైన్ చేశారు.