భాగమతి పోస్టర్.. ఎలా ఉంటుందబ్బా?

బాహుబలి 2 తర్వాత ఆ చిత్ర యూనిట్ ఎక్కడో ఒక చోట కనిపిస్తూనే ఉంది. కానీ అనుష్క మాత్రం ఇంతవరకు దర్శనం ఇవ్వలేదు. ఇంకా చాలామందికి అనుష్క నెక్స్ట్ సినిమా ఎంటనేది కూడా తెలియదు. అయితే రేపటి నుంచి మొత్తంగా అనుష్క భాగమతి ఫీవర్ మొదలవ్వనుంది అనడంలో ఎలాంటి సందేహం లేదు.

ఎందుకంటే మరికొద్ది సేపట్లో అనుష్క పుట్టిన రోజు సందర్భంగా భాగమతి చిత్ర యూనిట్ సినిమా ఫస్ట్ లుక్ ని రిలీజ్ చేయబోతోంది. మంచి థ్రిల్లర్ అండ్ హరర్ కాన్సెప్ట్ తో తెరకెక్కబోయే ఈ సినిమాను పిల్ల జమీందార్ సినిమాతో మంచి గుర్తింపు తెచ్చుకున్న దర్శకుడు అశోక్ కుమార్ తెరకెక్కిస్తున్నాడు. అయితే ఫస్ట్ లుక్ పోస్టర్ లో అనుష్క కత్తి పట్టుకొని ఉంటుందట. ఐఏఎస్ ఆఫీసర్ పాత్రలో మెరవనుందని తెలుస్తోంది. పోస్టర్ మొత్తంగా బ్రౌన్ కలర్ లో ఉండగా అనుష్క కూడా అదే కలర్ కాస్ట్యూమ్ తో ఉండనుంది. అయితే.. ఐఎఏఎస్ ఏంటి.. కత్తి ఏంటి.. ఈ కలర్ ఏంటి అనే సందేహం కూడా చాలామందికి ఉంది.

ప్రస్తుతం ఆ పోస్టర్ కోసం చాలా మంది ఎదురుచూస్తున్నారు. మరి ఎంతవరకు ఆకట్టుకుంటుందో చూడాలి. యూవీ క్రియేషన్స్ ఈ సినిమాని నిర్మిస్తోంది. వచ్చే ఏడాది సంక్రాంతి కానుకగా సినిమాను రిలీజ్ చేయాలని నిర్మాతలు ప్లాన్ చేస్తున్నారు.