ఈ ఏడాదంతా ఆమె బొమ్మేనా?

బాహుబలి సినిమాతో గ్లామర్ ఒలకించకపోయినా నటనతో ఆకట్టుకున్న అనుష్క ఆ తరువాత అజిత్ ఎన్నై ఇరందాల్(ఎంతవాడు గానీ) సినిమాలో అందాల రాశిగా అలరించింది. ఆ తరువాత గుణశేఖరుని కలల ప్రాజెక్ట్ ని తన భుజాలపై వేసుకుని నటించింది.

రుద్రమదేవి చిత్రానికి మిక్సడ్ టాక్ వస్తున్నా - అనుష్క నటనపై కొన్ని విమర్శలు వినిపిస్తున్నా ఆమె పడ్డ కష్టం మాత్రం స్క్రీన్ పై కనిపించకమానదు. ఒక లేడీ లీడ్ క్యారక్టర్ లో ఇంత భారీ బడ్జెట్ సినిమా ఇప్పటివరకూ తెలుగులో రాలేదు. రుద్రమదేవికి బ్రూస్ లీతో పోటీ వున్నా దసరా శెలవుల కారణంగా రెండు సినిమాలు కలెక్షన్ లను దున్నేయచ్చు. అంటే అక్టోబర్ చివరి వరకూ అనుష్క పరాక్రమానికి తిరుగులేదు.

ఈ ఏడాది అంతటి అయిపొయింది అనుకుంటే పొరబాటే. నవంబర్ 11న అజిత్ సరసన నటించిన వేదాలం సినిమా విడుదలకానుంది. ఇందులో కూడా అనుష్కకి ప్రధాన పాత్ర అందినట్టు సమాచారం. ఈ సినిమా కాకుండా ప్రకాష్ దర్శకత్వంలో తెరకెక్కిన సైజ్ జీరో కూడా విడుదలకు సిద్ధంగా వుంది. ఆర్య హీరో కాబట్టి తమిళ మార్కెట్ కి డోకా లేదు. కాబట్టి ఈ ఏడాదంతా అనుష్క బొమ్మలాగే అనిపిస్తుంది కదూ...