సైరాలో స్వీటీకి అలాంటి పాత్ర ఇచ్చారట

మెగాస్టార్ చిరంజీవి నటిస్తున్న తాజా చిత్రం 'సైరా' హై బడ్జెట్ తో భారీ తారాగణంతో తెరకెక్కుతున్న సంగతి తెలిసిందే. ఈ సినిమాలో అటు బాలీవుడ్ బిగ్ బీ అమితాబ్ బచ్చన్..ఇటు కొలీవుడ్ నుండి విజయ్ సేతుపతి.. శాండల్ వుడ్ నుండి సుదీప్ లాంటి స్టార్లు కీలకపాత్రలలలో నటిస్తున్నారు. ఇక నయనతార.. తమన్నా లాంటి హీరోయిన్లు కూడా ఈ సినిమాలో భాగం అయ్యారు. వీరితో పాటుగా స్వీటీ అనుష్క కూడా ఒక క్యామియోలో నటిస్తుందని ఈమధ్యే వార్తలు వచ్చిన సంగతి తెలిసిందే.

అనుష్క ఎలాంటి పాత్రలో నటిస్తోందనే విషయం తాజాగా బయటకు వచ్చింది. ఈ సినిమాలో ప్రారంభంలో అనుష్క ఉయ్యాలవాడ నరసింహారెడ్డి కథను వివరిస్తూ కనిపిస్తుందట. ఇప్పటికే ఈ సినిమాలో అనుష్క లుక్ ను ఫైనలైజ్ చేశారని.. తన పోర్షన్ కు సంబంధించిన షూటింగ్ లో అనుష్క పాల్గొంటోందని సమాచారం. ఇప్పటికే భారీ అంచనాలున్న 'సైరా' అనుష్క ఎంట్రీతో మరింత క్రేజీగా మారడం ఖాయమే.

సురేందర్ రెడ్డి దర్శకత్వంలో తెరకెక్కుతున్న ఈ పీరియాడిక్ ఫిలింను రామ్ చరణ్ కొణిదెల ప్రొడక్షన్స్ బ్యానర్ పై నిర్మిస్తున్నాడు. ఈ దసరాకు రిలీజ్ చేయాలని ప్లాన్ చేస్తున్నారని వార్తలు వచ్చాయి కానీ అధికారిక ధృవీకరణ మాత్రం ఇంకా రాలేదు.