వాళ్ళిద్దరూ కలసి కాఫీ తాగట్లేదు

బాలీవుడ్ స్టార్ హీరోయిన్ అనుష్క- రన్ మెషిన్ అండ్ ఇండియా టీమ్ సారధి విరాట్ కోహ్లీ పెళ్లి తరువాత బయట ఎంత కలుసుకున్నప్పటికి వారి అనుభవాలను ఇంకా పూర్తి స్థాయిలో ఎక్కడా బయటపెట్టలేదు. గత కొంత కాలంగా వారిద్దరితో ఒక ఇంటర్వ్యూ సెట్ చేయాలని చాలా మంది ప్రయత్నాలు చేస్తున్నారు. కానీ వర్కౌట్ అవ్వడం లేదు. ఓ వైపు విరాట్ సఫారీ సిరీస్ తో చాలా బిజీ అయ్యాడు. మరో వైపు అనుష్క కూడా తన నెక్స్ట్ హర్రర్ మూవీ తో బిజీగా వుంది.

రీసెంట్ గా ఆ హర్రర్ థ్రిల్లర్ పారి టీజర్ కూడా రిలీజ్ అయ్యింది. మంచి రెస్పాన్స్ రావడంతో అనుష్క ప్రమోషన్స్ స్పీడ్ పెంచేసింది. అయితే ప్రముఖ బాలీవుడ్ యాక్టర్ నిర్మాత దర్శకుడు కరణ్ జోహార్ జోహార్ నిర్వహించబోయే కాఫీ విత్ కరణ్ అనే షోలో విరుష్క జోడి సందడి చేయనుందని గత కొంత కాలంగా వార్తలు ఓ రేంజ్ లో వస్తున్నాయి. త్వరలోనే ఆ షో స్టార్ట్ కానుందని టాక్ వినిపిస్తోంది. అయితే రీసెంట్ గా అందిన సమాచారం ప్రకారం వారిద్దరు ఆ షోలో ఇప్పుడే పాల్గొనడం లేదట.

ఎందుకంటే కరణ్ కూడా ప్రస్తుతం చాలా బిజీగా ఉన్నాడట. నెక్స్ట్ సీజన్ కోసం ఇప్పుడే డేట్స్ ఇచ్చే పరిస్థితుల్లో లేడని తెలుస్తోంది. కానీ సమ్మర్ లో తప్పకుండా కాఫీ విత్ కరణ్ షో ప్రేక్షకుల ముందుకు రానుందని టాక్. అప్పటిలోగా అనుష్క కు విరాట్ కు కొంచెం హాలిడేస్ ఉంటాయి కాబట్టి విరుష్క స్పెషల్ ఇంటర్వ్యూ చూడవచ్చు. ఇక అనుష్క పారి సినిమా వచ్చే నెల హొలీ పండగ సందర్భంగా రిలీజ్ కానుంది.