మెడలో మంగళసూత్రంతో షాకిచ్చింది

చూస్తుండగానే భారత క్రికెట్ టీమ్ కెప్టెన్ విరాట్ కోహ్లీ మ్యారేజ్ అయిపోయింది. బాలీవుడ్ హీరోయిన్ అనుష్క శర్మని కుటుంబ సంప్రదాయం ప్రకారం ఇటలీ లో సింపుల్ గా పెళ్లి చేసుకొని హనీమూన్ కూడా ఒకేసారి ఫినిష్ చేసుకొని ఇండియాకు వచ్చేశారు. అయితే వారు ఎక్కడైన కనిపిస్తే అభిమానులు హ్యాపీగా విషెస్ చెబుతున్నారు. ఇక రీసెంట్ గా ఢిల్లీలో ఇరుకుటుంబల మధ్యలో గ్రాండ్ గా రిసెప్షన్ ని సెలబ్రేట్ చేసుకున్నారు. వేడుకకి ప్రధాన మంత్రి నరేంద్ర మోడీ వచ్చిన సంగతి తెలిసిందే.

ఇక నెక్స్ట్ వారు సెలబ్రెటీస్ తో గ్రాండ్ గా మరో పార్టీని చేసుకోబోతున్నారు. కేవలం సినీ తారలు క్రీడాకారులు మాత్రమే వేడుకకి రానున్నారట. ఇక అసలు విషయానికి వస్తే సాధారణంగా పెళ్లి అయితే ఎవరిలో అయినా లుక్ లో కొంచెం తేడా కనిపిస్తుంది. కానీ సెలబ్రెటీస్ లో మాత్రం అలాంటి తేడా ఎక్కువగా కనిపించదు. ఉదాహరణకు ట్రెడిషినల్ గా ఉండడం. తాళి బొట్టు వేసుకోవడం నేటితరం హీరోయిన్స్ కి అంతగా నచ్చదేమో.. కానీ అనుష్క శర్మ అలా కాదనుకుంటా కనీసం పారాని ఆరెంత వరకు ట్రెడిషినల్ గా ఉండాలని అనుకుంటుంది.

రీసెంట్ గా ఢిల్లీ ఎయిర్ పోర్ట్ లో అనుష్క భర్త విరాట్ తో కనిపించింది. అయితే ఆమె ట్రెడిషినల్ సల్వార్ డ్రెస్ లో కనిపించింది. అంతే కాకుండా మంగళ సూత్రంతో కనిపించి అందరికి షాక్ ఇచ్చిందనే చెప్పాలి. మొన్నటి వరకు సినీ ప్రపంచంలో గ్లామర్ డ్రెస్సులతో మెరిసిన అనుష్క ఇపుడు మాత్రం ఒక మంచి ఇల్లాలిగా కనిపించింది. ఇకపోతే కోహ్లీ బ్లాక్ డ్రెస్ లో కూల్ గా కనిపించాడు. వారిని చూసేందుకు అభిమానులు ఎగబడ్డారు. ఫుల్ సెక్యూరిటీ మధ్యలో వారిద్దరు ముంబై విమానం ఎక్కేసి వెళ్లిపోయారు.