ఫోటో స్టొరీ: లైట్ బ్లూ గౌన్ లో లవ్లీగా ఉందే

బాలీవుడ్ స్టార్ హీరోయిన్ అనుష్క శర్మ ఈమధ్య సినిమాలకు కాస్త గ్యాప్ ఇచ్చిన సంగతి తెలిసిందే. షారూఖ్ ఖాన్ తో కలిసి నటించిన 'జీరో' నే అనుష్క లాస్ట్ ఫిలిం. పోయినేడాదిలో ఈ సినిమా రిలీజ్ అయింది. ఆ తర్వాత అనుష్క నటించే కొత్త సినిమా ఏదీ ఇంకా అధికారికంగా ప్రకటించలేదు. ఇదిలా ఉంటే తాజాగా అనుష్క శర్మ ముంబై నగరంలోని గోరేగావ్ ఏరియాలో ఒక ఫిలిం స్టూడియో దగ్గర కనిపించడంతో ఆమె ఫోటోలను ముంబై మీడియావారు క్లిక్ మనిపించారు. ఆ ఫోటోలు అతి తక్కువ సమయంలోనే వైరల్ అయ్యాయి.

ఈ ఫోటోలలో అనుష్క సింపుల్ గా లైట్ బ్లూ కలర్ స్లీవ్ లెస్ గౌన్ లో కనిపించింది. సైడ్ స్లిట్ ఉన్న ఈ గౌన్ కు మ్యాచింగ్ గా మెంతిరంగు ఉండే చెప్పులు ధరించింది. యాక్సెసరీస్ ఏవీ ధరించకుండామినిమమ్ మేకప్ తో జస్ట్ రెడ్ కలర్ లిప్ స్టిక్ మాత్రమే వేసుకొని బ్యూటిఫుల్ గా కనిపిస్తోంది. ఇక ఆ నవ్వు చూస్తే ఎవరైనా మాయలో పడిపోవడం ఖాయం. క్రికెట్ ఫీల్డ్ లో వీర విహారం చేసే విరాట్ కోహ్లి సాబ్ ను ఇలాంటి నవ్వుతోనే క్లీన్ బౌల్డ్ చేసి ఉంటుంది.

సినిమాల విషయానికి వస్తే అనుష్క కొత్త సినిమా ఇంకా ప్రకటించలేదు కానీ 'టాయిలెట్: ఏక్ ప్రేమ్ కథా' డైరెక్టర్ శ్రీ నారయణ్ సింగ్ దర్శకత్వంలో 'జాస్మిన్' అనే చిత్రంలో నటించేందుకు గ్రీన్ సిగ్నల్ ఇచ్చిందనే టాక్ ఉంది. ఈ సినిమా కథ ఒక సామజిక సమస్య నేపథ్యంలో తెరకెక్కుతుందని సమాచారం. ఇది కాకుండా అనుష్క నిర్మాతగా నెట్ ఫ్లిక్స్ కోసం ఒకటి. అమెజాన్ ప్రైమ్ కోసం మరొకటి వెబ్ సీరిస్ లను నిర్మించే ప్రయత్నాలలో ఉందట.