ఇంట్రెస్టింగ్‌... బయోపిక్ ఆన్‌ లొకేషన్‌ స్టిల్స్ లీక్‌

మహిళ టీం ఇండియా క్రికెటర్‌ గా సుపరిచితురాలు అయిన ఝులన్ గోస్వామి యొక్క బయో పిక్ రూపొందుతున్న విషయం తెల్సిందే. ఇండియా మహిళా జట్టు అద్భుతమైన విజయాలను సాధించడం లో గోస్వామి యొక్క ప్రతిభ కీలకమైనది అనడంలో సందేహం లేదు. ఆమె జీవితం నిజంగా ఒక సినిమా అంటారు.

అలాంటి ఆమె జీవితాన్ని అత్యంత ఆసక్తికరంగా తెరకెక్కించేందుకు బాలీవుడ్‌ ఫిల్మ్‌ మేకర్స్ ప్రయత్నాలు చేస్తున్నారు. ఝులన్ గోస్వామి యొక్క జీవిత చరిత్ర ఆధారంగా రూపొందుతున్న సినిమా లో ఆమె పాత్ర ను అనుష్క శర్మ పోషిస్తున్న విషయం తెల్సిందే.

ఝులన్ గోస్వామి పాత్ర కోసం అనుష్క శర్మ ఏకంగా ఇంగ్లాండ్‌ వెళ్లి మరీ క్రికెట్‌ నేర్చుకుని వచ్చారు. ప్రతి సన్నివేశం కూడా ప్రేక్షకులను ఆకట్టుకునే విధంగా ఉండేలా మేకర్స్ ఈ సినిమాను రూపొందిస్తున్నట్లుగా సమాచారం అందుతోంది. భారీ అంచనాలున్న ఈ సినిమా షూటింగ్‌ జరుగుతున్న సమయంలో ఇలా స్టిల్స్ లీక్‌ అయ్యాయి.

అనుష్క శర్మ ను చూస్తున్నట్లుగా కాకుండా ఝులన్ గోస్వామి ని చూస్తున్నట్టుగానే మేకోవర్ ఉంది అంటూ కామెంట్స్ వస్తున్నాయి. బాబోయ్ మరీ ఇంత మార్పు ఎలా సాధ్యం అయ్యింది అంటూ కొందరు ఆమె ను ప్రశ్నిస్తూ ఉంటే మరి కొందరు ఈ సినిమాను ఎప్పుడెప్పుడు చూస్తామా అన్నట్లుగా చాలా ఆసక్తితో ఉన్నారు.

స్టార్‌ క్రికెటర్ వైఫ్ అయిన అనుష్క శర్మ ఒక లేడీ సూపర్ స్టార్‌ క్రికెటర్ బయోపిక్ లో నటించడం అంటే ప్రతి ఒక్కరిలో ఆసక్తిని రేకెత్తించే అంశం. కనుక ఈ సినిమా తప్పకుండా ప్రతి ఒక్కరిని కూడా ఆకట్టుకుంటుందనే నమ్మకం వ్యక్తం అవుతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.