కోహ్లీ ఫ్యాన్ సరదా తీర్చిన అనుష్క

స్టార్లతో ఫోటో దిగడం అంటే ఎవరికైనా సరదానే. కానీ ఓ స్టార్ తో కలిసి ఓ ఫ్యాన్ ఫోటో దిగాలని అనుకుంటే.. ఆ స్టార్ కి లవర్ అయిన హీరోయిన్ ఆ ఫోటో తీస్తే.. ఆ ఫీలింగ్ ని మాటల్లో చెప్పడం సాధ్యం కాదు. రీసెంట్ గా ఇలాంటి అనుభవమే ఓ అభిమానికి ఎదురైంది.

అప్పట్లో బ్రేకప్ అనుకున్నా.. స్టార్ క్రికెటర్ విరాట్ కోహ్లీ-స్టార్ హీరోయిన్ అనుష్క శర్మలు.. మళ్లీ తమ లవ్ స్టోరీని కంటిన్యూ చేసేస్తున్నారు. గతంలో మాదిరిగానే ఎంచక్కా ఫారిన్ టూర్స్.. వెకేషన్స్ వెళ్లిపోతున్నారు. రీసెంట్ గా చెక్ రిపబ్లిక్ లో ఉన్న అనుష్కను కలిసేందుకు కోహ్లి వెళ్లగా.. అక్కడ ఎయిర్ పోర్ట్ లో ఓ అభిమాని కంటపడ్డారు విరాట్-అనుష్కలు. అంతే కోహ్లీతో ఫోటో దిగాలని పట్టుపట్టేశాడు. సెల్ఫీ తీసేసుకోవచ్చు కానీ.. కోహ్లీతో కలిసి దిగే ఫోటో లైఫ్ టైమ్ దాచుకునేలా క్లారిటీతో ఉండాలని కోరుకున్నాడు ఆ ఫ్యాన్.

అప్పుడు కోహ్లీతో కలిపి ఆ అభిమానిని అనుష్క శర్మ ఫోటో తీసింది. 'నయా మాస్టర్ బ్లాస్టర్ తో నేను దిగిన ఫోటో ఇది. ఈ ఫోటో తీసిన అనుష్క శర్మకు థ్యాంక్యూ' అంటూ ఆ ఫోటోను అందరితో పంచుకున్నాడా ఫ్యాన్. ప్రస్తుతం షారూక్ కి జంటగా ఇంతిజాయ్ ఆలీ డైరెక్షన్ లో అనుష్క నటిస్తోంది. ఆ మూవీ షూటింగ్ చెక్ రిపబ్లిక్ లో జరుగుతుంటే.. తన లవర్ ని కలిసేందుకు అక్కడికి వెళ్లిపోయాడు కోహ్లీ.