షాక్‌: సెట్ లో స్వీటీకి గాయం?

ఇండ‌స్ట్రీని ప్ర‌మాదాలు కుదిపేస్తున్న సంగ‌తి తెలిసిందే. హీరోలంతా ఒక‌రి వెంట ఒక‌రుగా ఆన్ సెట్స్ గాయాల‌పాల‌వ్వ‌డంతో ఆ మేర‌కు షూటింగులు వాయిదాలు ప‌డుతూ ఇబ్బందులు ఎదుర్కోవాల్సి వ‌స్తోంది. చ‌ర‌ణ్ .. గోపిచంద్ లాంటి హీరోలు గాయాల వ‌ల్ల‌ ఏకంగా నెలన్న‌ర‌ పైగా విశ్రాంతి తీసుకోవాల్సి వ‌చ్చింది. ఎన్టీఆర్.. శ‌ర్వానంద్ ల‌కు కొన్ని వారాల పాటు రెస్ట్ త‌ప్ప‌నిస‌రి అయ్యింది. ఇటీవ‌లే వ‌రుణ్ తేజ్.. నాగ‌శౌర్య‌.. సందీప్ కిష‌న్ గాయాల పాల‌వ్వ‌డం షాక్ కి గురి చేసింది.

ఇదే కోవ‌లో స్వీటీ అనుష్క శెట్టికి ఆన్ లొకేష‌న్ గాయ‌మైంద‌ని తెలుస్తోంది. అనుష్క ఇటీవ‌లే `సైరా - న‌రసింహారెడ్డి` చిత్రీక‌ర‌ణ‌లో పాల్గొంది. మెగా బ‌డ్జెట్ మూవీలో తాను చేసేది అతిధి పాత్ర‌నే అయినా ఇందులో ఓ వారియ‌ర్ పాత్ర‌లో గ‌గుర్పొడిచే యాక్ష‌న్ క్వీన్ గా క‌నిపించ‌నుంద‌ని తెలుస్తోంది. అయితే యాక్ష‌న్ సీక్వెన్సులు తీసేప్పుడు త‌న కాలికి ఫ్యాక్చ‌ర్ అయ్యింద‌ట‌. గాయం అవ్వ‌గానే అన‌వ‌స‌ర హంగామా చేయ‌కుండా స్వీటీ ఎంతో ఒదిగి ఉన్న తీరుకు చిత్ర‌యూనిట్ ముచ్చ‌ట ప‌డిపోయింద‌ట. పెద్ద స్టార్ అన్న హ‌డావుడి ఏమాత్రం చూపించేందుకు ఇష్ట‌ప‌డ‌ని స్వీటీ గాయ‌మైనా అంతే హుందాగా వ్య‌వ‌హ‌రించార‌ట‌. అస్స‌లు త‌న కాలికి అయిన గాయం గురించి బ‌య‌ట ఎక్క‌డా ప్ర‌స్థావించ‌లేదు. దాంతో ఆ విష‌యం ఎవ‌రికీ తెలియ‌నేలేదు ఇంత‌వ‌ర‌కూ. గాయానికి చికిత్స చేసిన డాక్ట‌ర్లు కొద్ది రోజుల పాటు విశ్రాంతి తీసుకుంటే న‌య‌మైపోతుంద‌ని చెప్పార‌ట‌.

బాహుబ‌లి సిరీస్ .. సైజ్ జీరో.. భాగ‌మ‌తి చిత్రాల త‌ర్వాత స్వీటీ చాలా గ్యాప్ తీసుకుని పూర్తి స్థాయి సినిమాలో న‌టించేందుకు సంత‌కం చేసింది. నిశ్శ‌బ్ధం (సైలెన్స్) అనేది టైటిల్. ఇందులో మాధ‌వ‌న్ క‌థానాయ‌కుడిగా నటిస్తున్నారు. తెలుగు- త‌మిళం- హిందీ- మ‌ల‌యాళంలో ఈ సినిమా రిలీజ్ కానుంది. కోన వెంక‌ట్ క‌థ అందించ‌గా హేమంత్ మ‌ధుక‌ర్ ద‌ర్శ‌క‌త్వం వ‌హిస్తున్నారు.