సియాటిల్ లో షూటింగ్ కోసం స్వీటీ పయనం

'భాగమతి' తర్వాత అనుష్క సినిమాలనుండి గ్యాప్ తీసుకున్న సంగతి తెలిసిందే. వెయిట్ రిడక్షన్ కోసమే గ్యాప్ తీసుకుందని.. ఆస్ట్రియాలో న్యాచురల్ పద్ధతిలో డీటాక్స్ థెరపీ తీసుకొని బరువు తగ్గిందని అన్నారు. కానీ రీసెంట్ గా కోడి రామకృష్ణకు నివాళులు అర్పించే సమయంలో తీసిన ఫోటోలలో మాత్రం అనుష్క బరువేమీ తగ్గలేదని చాలామందికి అనిపించింది.

ఈ వెయిట్ గెయిన్.. వెయిట్ లాస్ సంగతేమో కానీ అనుష్క తన కొత్త సినిమా షూటింగ్ లో పాల్గొనేందుకు రెడీ అవుతోంది అనుష్క. నూతన దర్శకుడు హేమంత్ మధుకర్ దర్శకత్వంలో తెరకెక్కనున్న ఈ సినిమా షూటింగ్ త్వరలోనే ప్రారంభం కానుంది. ఈ సినిమా మెజారిటీ షూటింగ్ అమెరికాలోని సియాటిల్ లో జరుగుతుందట. అందుకే స్వీటీ రీసెంట్ గా అమెరికాకు పయనమైందని సమాచారం.

ఈ లేడీ ఓరియంటెడ్ సినిమాకు స్క్రిప్ట్.. డైలాగులు అందించింది కోన వెంకట్. తమిళ హీరో మాధవన్ ఈ సినిమాలో ఒక కీలక పాత్రలో నటిస్తున్నాడు. ఈ సినిమాలో అనుష్క - మాధవన్ మధ్యలో ఒక బ్యూటిఫుల్ లవ్ స్టొరీ ఉందట. ఈ సినిమాను తెలుగు.. హిందీ భాషలలో రిలీజ్ చేసేందుకు ప్లాన్ చేస్తున్నారట.