అనుష్క నెక్స్ట్ ఫిక్స్ అయిందోచ్!

స్టార్ హీరోయిన్ అనుష్క 'బాహుబలి' తర్వాత స్పీడు తగ్గించింది. ఎంతో జాగ్రత్త గా సినిమాలను ఎంచుకుంటోంది. ప్రస్తుతం అనుష్క 'నిశ్శబ్దం' అనే థ్రిల్లర్ లో నటిస్తోంది. ఈ సినిమా జనవరి 31 న ప్రేక్షకుల ముందుకు రానుంది. మరి ఈ సినిమా తర్వాత అనుష్క నటించబోయే సినిమా ఏంటి? రీసెంట్ గా అనుష్క తన నెక్స్ట్ సినిమా కు పచ్చజెండా ఊపిందట.

అభిరుచి కల సినిమాలు తెరకెక్కించే తమిళ దర్శకుడు గౌతమ్ మీనన్ ఈమధ్య అనుష్కకు ఒక ఇంట్రెస్టింగ్ కథ వినిపించారట. యాక్షన్ థ్రిల్లర్ జోనర్ లో ఉన్న ఈ కథ అనుష్క ను చాలా ఇంప్రెస్ చేసిందట. అందుకే ఎక్కువ అలోచించకుండా అనుష్క గ్రీన్ సిగ్నల్ ఇచ్చిందట. ఈ సినిమాలో అనుష్క రిస్కీ స్టంట్స్ చేయాల్సి ఉంటుందట. ఈ సినిమాను తమిళ -తెలుగు ద్విభాషా చిత్రంగా తెరకెక్కిస్తారని సమాచారం. ఈ సినిమా జనవరి నుండి సెట్స్ పైకి వెళ్తుందని అంటున్నారు. వేల్స్ ఇంటర్నేషనల్ బ్యానర్ పై ఈ సినిమా ను ఇషారి గణేష్ నిర్మిస్తారు.

ఈమధ్య గౌతమ్ మీనన్ దర్శకత్వం వహించిన సినిమాలు పెద్దగా విజయం సాధించడం లేదు. మరి ఈ సినిమాతో అయినా విజయం సాధిస్తాడా.. అనుష్కకు ఒక సూపర్ హిట్ అందిస్తాడా అనేది వేచి చూడాలి. త్వరలోనే ఈ సినిమాకు సంబంధించిన నటీనటులు.. టెక్నిషియన్ల వివరాలు వెల్లడవుతాయి.