స్వీటీ కూడా తప్పేసుకుందా??

సౌత్ లో స్టార్ హీరోలతో సమానంగా తనకంటూ ఓకే స్టార్ హోదాను సంపాదించుకున్న వారిలో హీరోయిన్ అనుష్క ఒకరు. లేడి సూపర్ స్టార్ గా పిలవబడుతోన్న అమ్మడికి అందంగా ఉండే పాత్రలు అలాగే యాక్షన్ తరహా పాత్రలు కరెక్ట్ గా సెట్ అవుతాయనే బాహుబలి సినిమాలోనే అర్థమైంది. ఎలాంటి పాత్రనైనా సరే తనదైన శైలిలో చేసే స్వీటీ ఎప్పుడు బాలీవుడ్ పై ఎక్కువగా మనసు పడలేదు.

అవకాశాలు వస్తే వెళతాను అని చెప్పింది కానీ కథ అందులోని పాత్ర తనకు నచ్చితేనే వెళతానని పలు ఇంటర్వ్యూలలో వివరించింది. అయితే రీసెంట్ గా అనుష్క బాలీవుడ్ నుంచి కరణ్ జోహార్ వచ్చి ఒక కథను చెబితే అమ్మడు చేయను అని మొహం మీదే చెప్పేసిందట. తనకు అందులోని పాత్ర అస్సలు నచ్చలేదట. దీంతో ఈ కథను నేను చేయలేను అని నిర్మొహమాటంగా చెప్పడంతో బాలీవుడ్ జనాలు షాక్ అవుతున్నారు. సాధారణంగా కరణ్ జోహార్ బాలీవుడ్ లో కథ చెబితే స్టార్ హీరోలు కూడా నటించేస్తారు. కానీ అనుష్క ఇలా చెప్పిందేంటని సోషల్ మీడియాలో పలురకాల కామెంట్స్ చేస్తున్నారు.

ఇక ఇంతకుముందు ప్రభాస్ కూడా కరణ్ జోహార్ కథకు నో చెప్పేశాడట. అప్పుడు కూడా ప్రభాస్ అనుష్కలనే సమాధానం ఇచ్చాడట. బాలీవుడ్ లో అడుగుపెట్టిన చాలా మంది మన తారలు చేతులు కాల్చుకున్నారు. మళ్లి అక్కడ మొహం చూపించలేని పరిస్థితి. దీంతో అక్కడ అడుగుపెడితే మంచి కథతోనే ఎంట్రీ ఇవ్వాలని అనుమానం ఉండే కథలను అస్సలు చేయకూడదని ప్రభాస్ అనుష్క్ గట్టిగా డిసైడ్ అయినట్టున్నారు. అందుకే ఎంత పెద్ద దర్శకులు వచ్చినా కథ డౌట్ గా ఉంటే ఒకే చేయడం లేదు.