సాహోలోనూ స్వీటీనేన‌ట‌

బాహుబ‌లి త‌ర్వాత ప్ర‌భాస్ న‌టిస్తున్న చిత్రం సాహో. ఈ సినిమా మీద అంచ‌నాలు ఇప్ప‌టికే పీక్స్ కు వెళ్లిపోయాయి. ఈ సినిమా ఇమేజ్‌ను అమాంతం పెంచేలా చేసింది ఈ చిత్ర టీజ‌ర్‌. బాహుబ‌లి -2 విడుద‌ల‌కు రిలీజ్ చేయ‌టం తెలిసిందే. ఈ టీజ‌ర్‌ను.. బాహుబ‌లి మూవీతో క‌లిపి వేయ‌టంతో.. హాలీవుడ్ స్థాయిలో ఉన్న‌ట్లుగా క‌నిపించిన కొన్ని షాట్ల‌తో ఈ మూవీ మీద అంచ‌నాలు ఆకాశానికి అంటాయి. సుజీత్ ద‌ర్శ‌కుడిగా వ్య‌వ‌హ‌రిస్తున్న ఈ చిత్ర టీజ‌ర్ విడుద‌ల వేళ‌కు హీరోయిన్ ఎంపిక పూర్తి కాలేదు.

అయితే.. వాట‌ర్ లో జ‌ల‌క‌న్య‌లా దూసుకెళ్లే షాట్ ఉన్న‌ప్ప‌టికీ.. చిత్రంలో హీరోయిన్ ఎవ‌ర‌న్న‌ది మాత్రం రివీల్ చేయ‌లేదు. అప్ప‌టి నుంచి ఇప్ప‌టివ‌ర‌కూ ఈ చిత్రంలో హీరోయిన్ ఎవ‌ర‌న్న విష‌యాన్ని అధికారికంగా వెల్ల‌డించ‌లేదు. దీంతో.. సాహో హీరోయిన్ ఎవ‌రై ఉంటార‌న్న‌ది ఓ పెద్ద చ‌ర్చ‌గా మారింది.

టీజ‌ర్ లో చూపించిన జ‌ల‌కన్య‌ను చూసి ఎవ‌రికి వారు త‌మ‌కు తోచిన పేర్ల‌ను చెప్పుకున్నారు. టాలీవుడ్ మొద‌లు బాలీవుడ్ వ‌ర‌కూ చాలామంది పేర్లు వినిపించిన‌ప్ప‌టికీ.. వారెవ‌రూ కాదు.. ప్ర‌భాస్ స‌ర‌స‌న మ‌రోసారి న‌టించే ఛాన్స్ స్వీటీ అనుష్క‌కే ద‌క్కింద‌ని చెబుతున్నారు.

ఇదే విష‌యాన్ని తాజాగా సినీ విశ్లేష‌కుడు ర‌మేశ్ బాలా ట్వీట్ చేస్తూ.. సాహోలో స్వీటీనే ఎంపిక చేసిన‌ట్లుగా పేర్కొన్నారు. నీల్ నితిన్ ముఖేశ్ ప్ర‌తినాయ‌కుడిగా వ్య‌వ‌హ‌రిస్తున్న ఈచిత్ర టీజ‌ర్‌ కు వ‌చ్చిన బ‌జ్ ఎంత‌న్న‌ది ప్ర‌త్యేకంగా చెప్పాల్సిన అవ‌స‌ర‌మే లేదు. తెలుగు.. త‌మిళం.. హిందీ భాష‌ల్లో తెర‌కెక్కిస్తున్న ఈ చిత్రం వ‌చ్చే ఏడాది విడుద‌ల కానుంది. తాజా ట్వీట్ తో సాహో సుంద‌రి ఎవ‌ర‌న్న విష‌యంపై ఒక క్లారిటీ వ‌చ్చిన‌ట్లేన‌ని చెప్ప‌క త‌ప్ప‌దు. మ‌రో విశేషం ఏమిటంటే.. బిల్లాతో మొద‌లైన ప్ర‌భాస్‌.. అనుష్క కాంబినేష‌న్ తాజా సాహోతో నాలుగోది కావ‌టం గ‌మ‌నార్హం. మ‌రి.. ఈ ట్వీట్‌ను సాహో చిత్ర‌బృందం అధికారికంగా ఎప్పుడు క‌న్ఫ‌ర్మ్ చేస్తుందా? అన్న‌దే అస‌లు ప్ర‌శ్న‌.