వైరల్ అవుతున్న స్వీటీ ఫ్యామిలీ స్వీట్ ఫోటో..!

ప్రస్తుతం దేశవ్యాప్తంగా లాక్ డౌన్ కొనసాగుతున్న నేపథ్యంలో స్టార్ హీరోయిన్ అనుష్క శెట్టీ తన విలువైన సమయాన్ని ఫ్యామిలీతో ఆనందంగా గడుపుతోంది. తాజాగా తన ఫ్యామిలీ ఫోటోని అభిమానులతో పంచుకుంది. సోమవారం తన తండ్రి పుట్టిన రోజు సందర్భంగా తల్లితండ్రులతో కలిసి సెల్ఫీ తీసుకున్న అనుష్క తన ఇన్ స్టాగ్రామ్ లో ఫోటో షేర్ చేసింది. ఈ ఫోటోలో పేరెంట్స్ తో పాటు సంప్రదాయ చీరకట్టులో చిరునవ్వు చిందిస్తున్న అనుష్క ఎంతో ముచ్చటగా కన్పించింది. స్వీటీ అభిమానులను ఎంతో ఆకట్టుకుంటున్న ఈ ఫోటో ప్రస్తుతం వైరల్ అవుతోంది. ఫోటోలో తండ్రి ఎన్ విట్ట‌ల్ శెట్టి - తల్లి ప్ర‌ఫుల్లా ఉన్నారు.

ఇన్ స్టాగ్రామ్ పోస్టులో.. 'నేను మీలో ప్రేమ‌ - ఆప్యాయం - ప్రోత్స‌హించ‌డం చూశాను. మీరు మా కోసం ఎన్నో చేశారు. ఈ రోజు మీ రోజు. మ‌మ్మ‌ల్ని ఇంత సంతోషంగా ఉంచిన మీరు ఇలానే ప్ర‌తి రోజు న‌వ్వుతూనే ఉండండి. హ్యాపీ బర్త్‌ డే ప‌ప్పా' అంటూ.. అనుష్క త‌న తండ్రికి ప్రేమ‌తో మెసేజ్ పెట్టింది. ఈ అమ్మడు త‌న త‌ల్లి బ‌ర్త్‌ డే అప్పుడు కూడా ఫ్యామిలీ ఫోటో షేర్ చేస్తూ శుభాకాంక్ష‌లు తెలియ‌జేసిన విష‌యం తెలిసిందే. క‌ర్ణాట‌క‌లో జ‌న్మించిన అనుష్క‌కి ఇద్ద‌రు సోద‌రులు ఉన్నారు. వారి పేర్లు గుణ‌రంజ‌న్ శెట్టి - సాయి ర‌మేష్ శెట్టి. బాహుబ‌లి బ్యూటీ అనుష్క ప్రస్తుతం నిశ్శబ్దం సినిమాలో నటిస్తోంది. హేమంత్ మధుకర్ దర్శకత్వంలో ఈ సినిమా రూపొందింది. ఈ మూవీలో మాధవన్ - హీరోయిన్లు అంజలి - శాలిని పాండే కీలక పాత్రల్లో నటిస్తున్నారు.