అనుష్క ఖాతాలో ఇంకోటి..

టాలీవుడ్ కోలీవుడ్ లలో మోస్ట్ వాంటెడ్ హీరోయిన్ అంటే అనుష్క శెట్టినే. ఇందులో ఎలాంటి డౌట్స్ పెట్టుకోవాల్సిన పని లేదు. ఇప్పటికే స్వీటీ చేతినిండా ఆఫర్లు ఉన్నాయి. పైగా వచ్చినవన్నీ ఒప్పేసుకునేంత తీరిక కూడా ఈ భామకు ఉండడం లేదు. అందుకే పెద్ద ప్రాజెక్టులు.. అది కూడా తన కేరక్టర్ కి ఇంపార్టెన్స్ ఉంటేనో.. ఆ మూవీకి ఎనలేని క్రేజ్ ఉంటేనో తప్ప సినిమా ఒప్పుకోవడం లేదు అనుష్క.

చేతి నిండా ప్రాజెక్టులున్న అనుష్క.. ఇప్పుడో కోలీవుడ్ మూవీకి సైన్ చేసింది. జూలై మొదటి వారంలో ప్రారంభం కానున్న కోలీవుడ్ స్టార్ హీరో అజిత్ సినిమాలో అనుష్క హీరోయిన్ గా చేయనుంది. తల57 అని వ్యవహరిస్తున్న ఈ ప్రాజెక్టును శౌర్యం శివ దర్శకత్వంలో తెరకెక్కించనున్నారు. కోలీవుడ్ లో అత్యంత భారీ బడ్జెట్ చిత్రాలలో ఇది ఒకటిగా నిలుస్తుందనే అంచనాలున్నాయి. ఇప్పటికే మరో కోలీవుడ్ స్టార్ సూర్యతో సింగం మూడో భాగం అయిన ఎస్3లో అనుష్క మెయిన్ హీరోయిన్ గా నటిస్తోంది. ఇది కాక భాగమతి అనే లేడీ ఓరియెంటెడ్ ఫిలింకి కూడా సైన్ చేసింది. ఇవన్నీ కాకుండా బాహుబలి ది కంక్లూజన్ ఉండనే ఉంది.

చేతిలో ప్రాజెక్టుల సంగతి బాగానే ఉంది కానీ.. అనుష్క సైజే ఇప్పుడు అసలు ఇబ్బంది. పైన చెప్పిన సినిమాలు వేటి షూటింగ్ లో కూడా అనుష్క ఇప్పటికిప్పుడు జాయిన్ అయ్యే పరిస్థితి. యోగా భామ అయుండి కూడా తన బరువు తగ్గించుకోలేక ఇబ్బంది పడుతోంది. ఇప్పుడేదో ట్రీట్మెంట్ కూడా తీస్కుంటోందని అంటున్నారు. మరి స్వీటీ సైజ్ తగ్గేదెపుడో.. ఈ సినిమాలన్నిటిలో నటించేదెపుడో!