సైజ్ జీరో.. ప్రమోషనూ పిచ్చెక్కిస్తున్నారు

మొన్న ఆడియో ఫంక్షన్ లో ‘సైజ్ జీరో’ టీమ్ క్రియేటివిటీతో కుమ్మేసింది. టాలీవుడ్ లో ఇలాంటి ఆడియో ఫంక్షన్ నభూతో అనే చెప్పాలి. ఆడియో ఫంక్షన్ అనే కాదు.. అంతకుముందు కూడా ప్రమోషన్ లలో భలే క్రియేటివిటీ చూపించారు ‘సైజ్ జీరో’ మేకర్స్. ఇప్పుడు రిలీజ్ ప్రమోషన్లలోనూ అదే వైవిధ్యం చూపిస్తున్నారు. ఇండియన్ రైల్వేస్ సౌజన్యంతో సినిమాను డిఫరెంటుగా ప్రమోట్ చేస్తున్నారు.

సౌత్ సెంట్రల్ రైల్వే పరిధిలోని అన్ని ప్రధాన రైళ్లలోనూ ‘సైజ్ జీరో’ పోస్టర్లు సందడి చేస్తున్నాయి. తెలంగాణ - ఆంధ్రప్రదేశ్ - తమిళనాడు రాష్ట్రాల్లో తిరిగే అన్ని ప్రముఖ రైళ్లలో ‘సైజ్ జీరో’కు ప్రచారం కల్పిస్తున్నారు. అనుష్క - ఆర్య ప్రధాన పాత్రల్లో నటించిన ‘సైజ్ జీరో’ సినిమాను రాఘవేంద్రరావు తనయుడు ప్రకాష్ కోవెలమూడి దర్శకత్వం వహించాడు.

తెలుగు - తమిళ భాషల్లో నవంబర్ 27న ఈ సినిమాను భారీ స్థాయిలో విడుదల చేయబోతున్నారు. రిలీజ్ కు ఇంకో రెండు వారాలే సమయం ఉండటంతో మున్ముందు మరింత అగ్రెసివ్ గా ప్రమోషన్స్ చేయబోతోంది ‘సైజ్ జీరో’ టీమ్. పీవీపీ సంస్థ ప్రమోషన్ కోసమే భారీగానే బడ్జెట్ కేటాయించి.. సినిమాను ప్రేక్షకులకు చేరువ చేయడానికి ప్రయత్నిస్తోంది. తమిళంలో ఈ సినిమా ‘ఇంజి ఇడుపళగి’ పేరుతో విడుదల కానుంది.