దేవసేనతో బాహుబలి పాట షురూ

బాహుబలి ది కంక్లూజన్ షూటింగ్ ఏ రేంజ్ స్పీడ్ లో జరుగుతోందో చూస్తూనే ఉన్నాం. రాజమౌళి స్వయంగా చెప్పిన సంగతులే కాకుండా.. ఎప్పటికప్పుడు లీకుల రూపంలో ఇన్ఫర్మేషన్ బయటకు వస్తూనే ఉంది. పైగా ఆ మధ్య బాహుబలి 2 షూటింగ్ లేట్ అవుతోందనే టాక్ వచ్చింది కానీ.. ముందుగా ప్లాన్ చేసుకున్నట్లుగానే ఆగస్ట్ చివరకు క్లైమాక్స్ యుద్ధం సీన్ ని కంప్లీట్ చేసేశాడు జక్కన్న.

మరి వాట్ నెక్ట్స్ అంటే.. ఇప్పుడు ఇంక పాటల వంతు వచ్చేసింది. ముఖ్యంగా రెండో పార్ట్ లో కీలకం కానున్న దేవసేనతో అమరేంద్ర బాహుబలితో పాట పాడుకునేందుకు వచ్చేసింది. సైజ్ జీరో మొదలైన సైజ్ సమస్యలను వీలైనంత వరకు తగ్గించుకున్న స్వీటీ.. ఇప్పుడు బాహుబలి2 షూటింగ్ లో జాయిన్ అయిపోయింది. తన ప్లానింగ్ ప్రకారం షూటింగ్ చేస్తున్న జక్కన్న.. అనుష్క లావు విషయాన్ని వదిలేసి పాట పిక్చరైజేషన్ చేసేస్తున్నాడట. మొదటి పార్ట్ లో ప్రభాస్- తమన్నాల మధ్య ఉండే రొమాంటిక్ సాంగ్ కు మించి రెట్టింపు డోస్ ప్రభాస్-అనుష్కల మధ్య వచ్చే పాట ఉంటుందని తెలుస్తోంది. అనుష్క ఎక్కడైనా కాసింత లావుగా కనిపిస్తే.. గ్రాఫిక్స్ లో కవర్ చేసేయాలని డిసైడ్ అయ్యారట.

ఈ పాటలు కూడా పూర్తయిపోతే.. ఇక బ్యాలెన్స్ పోస్ట్ ప్రొడక్షన్ పనులు గ్రాఫిక్ వర్క్ మాత్రమే అని తెలుస్తోంది. ఇలా షూటింగ్ అంతా ప్లానింగ్ ప్రకారం జరిగిపోతే.. ఏప్రిల్ చెప్పిన రిలీజ్ డేట్ కూడా ఖాయమే అనుకోవచ్చు.