ఉయ్యాలవాడలో దేవసేన ఖాయమా?

మెగాస్టార్ చిరంజీవి 151వ చిత్రంగా ఉయ్యాలవాడ నరసింహారెడ్డి జీవిత చరిత్రను తెరకెక్కిస్తున్న విషయం ఇప్పటికే ఖాయమైపోయింది. దర్శకుడు సురేందర్ రెడ్డి ప్రీ ప్రొడక్షన్ పనులు శరవేగంగా పూర్తి చేసుకుంటున్నాడు. మరోవైపు హీరోయిన్ విషయంలో కూడా ఇప్పటికే యూనిట్ ఓ తుది నిర్ణయానికి వచ్చేసినట్లు తెలుస్తోంది.

ఉయ్యాలవాడ చిత్రాన్ని నేషనల్ లెవెల్ లో రిలీజ్ చేసేందుకు సన్నాహాలు చేస్తున్నారు. ఇందుకోసం దేశమంతా క్రేజ్ ఉన్న హీరోయిన్ ను అన్వేషిస్తున్నారు. అందుకే బాహుబలి ద్వారా దేశవ్యాప్తంగా క్రేజ్ సంపాదించిన అనుష్కను ఉయ్యాలవాడ చిత్రంలో హీరోయిన్ గా ఫైనల్ చేసుకున్నారు హీరో చిరంజీవి.. నిర్మాత రామ్ చరణ్. ఇప్పటికే ఆమె దగ్గరకు ఆఫర్ ను పంపినట్లు కూడా తెలుస్తోంది. నిజానికి ఖైదీ నంబర్ 150లోనే అనుష్కను హీరోయిన్ గా తీసుకోవాలని భావించినా.. బాహుబలితో బిజీగా ఉన్నానంటూ అప్పట్లో ఆమె ఈ ఆఫర్ ను తిరస్కరించింది.

ఇప్పుడు బాహుబలి సిరీస్ పూర్తయిపోవడం.. మరోవైపు మెగాస్టార్ గ్రాండ్ రీఎంట్రీతో ఇండస్ట్రీలో తన సత్తా చాటడంతో.. మెగా 151ను స్వీటీ యాక్సెప్ట్ చేయచ్చనే అంచనాలు వినిపిస్తున్నాయి. ఒకవేళ ఉయ్యాలవాడ నరసింహారెడ్డి ప్రాజెక్టులోకి అనుష్క ఎంట్రీ ఖాయమైతే.. కచ్చితంగా ముందు నుంచే ఈ సినిమాపై నేషనల్ లెవెల్ లో ఆసక్తి ఏర్పడుతుందని అంచనాలు వినిపిస్తున్నాయి.

Like Us on Facebook : https://www.facebook.com/Tupakidotcom/