ఇటలీలో బాహుబలిని కలిసిన దేవసేన!

కొన్ని రూమర్లును ఎన్నిసార్లు ఖండించినా అవి సమసిపోవు. మళ్ళీ మళ్ళీ అవే రూమర్లు ప్రచారంలోకి వస్తాయి. అలాంటి వాటిలో ప్రభాస్ - అనుష్క రిలేషన్ ఒకటి. వారిద్దరేమో మేము జస్ట్ ఫ్రెండ్స్ అంటారు. కానీ ఫ్రెండ్స్ మాత్రమే కాదని.. అంతకు మించినది మరేదో ఉందని మాత్రం గుసగుసలు వినిపిస్తూ ఉంటాయి. ఇప్పుడు తాజాగా మరో సారి ప్రభాస్ - అనుష్క స్నేహం మళ్ళీ లైమ్ లైట్ లోకి వచ్చింది.

ప్రభాస్ ప్రస్తుతం రాధాకృష్ణ కుమార్ దర్శకత్వంలో తెరకెక్కుతున్న తన తాజా చిత్రం షూటింగ్ లో పాల్గొంటున్నాడు. ఈ సినిమా షూటింగ్ ఇటలీ లోని కోమో లో జరుగుతోంది. ఈ షూటింగ్ జరుగుతున్న లొకేషన్ కు అనుష్క వచ్చి ప్రభాస్ కు సర్ ప్రైజ్ ఇచ్చిందని టాక్. ఇటలీలో ఉన్న తెలుగు వారు డార్లింగ్ ను చూసేందుకు షూటింగ్ లొకేషన్ ను వెళ్తే అక్కడ స్వీటీ ఉండడం చూసి సర్ ప్రైజ్ అయ్యారట. అనుష్క రీసెంట్ గా ఆస్ట్రియా దేశాని వెళ్ళిన సంగతి తెలిసిందే. అక్కడ ప్రఖ్యాత వివామేర్ స్పా లో వెయిట్ లాస్ ప్రోగ్రాం లో రిజిస్టర్ చేసుకుందని ఇప్పటికే వార్తలు వచ్చాయి. ఎలాగూ యూరోప్ ఖండమే కాబట్టి పనిలో పనిగా డార్లింగ్ కు స్వీట్ గా ఒక హాయ్ చెప్పి వెళ్దామని వచ్చిందేమో.

ఏదేమైనా ప్రభాస్ - అనుష్కలు ఇటలీలో కలిసిన విషయం ఇప్పుడు మరోసారి హాట్ టాపిక్ అయింది. టాలీవుడ్ మాత్రమే కాదు ఇక బాలీవుడ్ లో కూడా డార్లింగ్ -స్వీటీ రిలేషన్ పై మళ్ళీ చెవులు కొరుక్కోవడం మొదలు పెడతారేమో.