ఆ క్రేజీ ప్రాజెక్ట్ నుంచి స్వీటీ వాకౌట్!

సౌత్ లో టాప్ లీగ్ హీరోయిన్లలో ఒకరైన అనుష్క ప్రస్తుతం 'నిశ్శబ్దం' అనే సినిమాలో నటిస్తున్న సంగతి తెలిసిందే. మెగాస్టార్ చిరంజీవి 'సైరా' లోనూ ఒక అతిథిపాత్రలో నటించింది. ఈ సినిమాలు కాకుండా మణిరత్నం కొత్త ప్రాజెక్ట్ 'పొన్నియన్ సెల్వన్' లో కూడా నటించేందుకు మొదట గ్రీన్ సిగ్నల్ ఇచ్చింది.

అయితే తాజా సమాచారం ప్రకారం ఈ సినిమానుండి అనుష్క తప్పుకుందట. దీనికి కారణం ప్రముఖ తమిళ గేయ రచయిత వైరముత్తు ఈ సినిమాలో భాగం కావడమేననే టాక్ వినిపిస్తోంది. వైరముత్తుపై కొంతకాలం క్రితం సింగర్ చిన్మయి లైంగిక వేధింపుల ఆరోపణలు చేసిన సంగతి తెలిసిందే. #మీటూ ఆరోపణలు ఎదుర్కొన్నవారితో కలిసి పనిచేసేందుకు దేశ వ్యాప్తంగా కొందరు సెలబ్రిటీలు నిరాకరిస్తున్నారు. అనుష్క ఈ విషయం బహిరంగంగా అయితే వెల్లడించలేదు కానీ అనుష్క తప్పుకున్న కారణం మాత్రం ఇదేనని కోలీవుడ్ లో జోరుగా ప్రచారం సాగుతోంది.

ఏదేమైనా మణిరత్నం లాంటి డైరెక్టర్ సినిమా నుండి తప్పుకోవడం మాత్రం బోల్డ్ డెసిషన్ అనే చెప్పాలి. అయితే అనుష్కతోనే ఇది ఆగుతుందా.. ఈ సినిమాలో నటించే ఇతర నటీనటులు కూడా ఇలాంటి బాటే పడతారా అనేది వేచి చూడాలి.