4 నెలల్లో 10 లక్షల ఫాలోవర్స్ తో స్వీటీ స్పీడ్

టాలీవుడ్ టాప్ హీరోయిన్ గా సౌత్ లోనే మోస్ట్ వాంటెడ్ బ్యూటీగా సుప‌రిచితం స్వీటీ శెట్టి అలియాస్ అనుష్క శెట్టి. అయితే అనుష్క గ‌త కొంత‌కాలంగా కెరీర్ ప‌రంగా వెన‌క‌బ‌డిన సంగ‌తి తెలిసిందే. బాహుబ‌లి ఫ్రాంఛైజీ సినిమాల త‌ర్వాత సైజ్ జీరో- నిశ్శ‌బ్ధం లాంటి చిత్రాల్లో న‌టించిన అనుష్క ఆశించిన విజ‌యాలు అందుకోలేదు. అయినా అవ‌కాశాల ప‌రంగా త‌న‌కు కొదవేమీ లేదు. కానీ ఎందుక‌నో స్వీటీ గ‌త కొంత‌కాలంగా మౌనంగానే ఉంది. ఇటీవ‌లే యువి క్రియేష‌న్స్ బ్యాన‌ర్ లో త‌దుప‌రి త‌న చిత్రాన్ని స్వీటీ ప్ర‌క‌టించిన సంగ‌తి తెలిసిందే.

కొంత గ్యాప్ త‌ర్వాత తిరిగి ముఖానికి రంగేసుకునేందుకు సిద్ధ‌మ‌వుతోంది. ఇక‌పోతే స్వీటీ అలియాస్ అనుష్క క‌థానాయిక‌గా స్పీడ్ చూపించ‌క‌పోయినా త‌న‌కు సోష‌ల్ మీడియాల్లో ఫాలోయింగ్ ఎంత‌మాత్రం త‌గ్గ‌లేద‌ని ప్రూవ్ అయ్యింది. తాజా స‌మాచారం మేర‌కు... సినీరాజ‌కీయ ప్ర‌ముఖుల‌తో బాగా పాపుల‌రైన ఓ ప్ర‌యివేట్ యాప్ లో అనుష్క‌కు 10ల‌క్ష‌ల ఫాలోవ‌ర్స్ ఏర్ప‌డ‌డం హాట్ టాపిక్ గా మారింది. ఆ యాప్ ఏదీ అన్న‌ది అప్ర‌స్తుతం. కానీ అనుష్క‌కు కేవ‌లం 4నెల‌ల వ్య‌వ‌థిలోనే 10ల‌క్ష‌ల మంది ఫాలోవ‌ర్స్ ఏర్ప‌డ్డారు. దీనిపై అభిమానుల్లోనూ ఆశ్చ‌ర్యం నెల‌కొంది. మ‌రోవైపు ఇన్ స్టా ట్విట్ట‌ర్ లోనూ స్వీటీకి ఫాలోవ‌ర్స్ ఉన్న సంగ‌తి తెలిసిందే.

వ్య‌క్తిగ‌తంగా ఇత‌ర నాయిక‌ల‌తో పోలిస్తే అనుష్క ఈ త‌ర‌హా ఫాలోయింగ్ కోసం పాకులాడుతున్న‌ది లేదు. అస‌భ్య‌క‌ర ఫోటోషూట్ల‌కు సిద్ధంగా లేదు. వ‌ల్గారిటీ ని ఆశ్ర‌యించేందుకు స్వీటీ ఎప్పుడూ సిద్ధంగా ఉండ‌రు. అయినా త‌న‌కు ఉన్న ఫాలోయింగ్ మాత్రం ఎక్క‌డా త‌గ్గ‌డం లేదు. ఇందుకు నిజంగా అనుష్క‌కు హ్యాట్సాఫ్ చెప్పాల్సిందే. త‌న‌దైన స్వీటెస్ట్ హార్ట్ తో అభిమానుల హృద‌యాల్లో నిలిచిన టాప్ హీరోయిన్ గా అనుష్క ఎప్ప‌టికీ నిలిచి ఉంటుంది. ఇటీవ‌లే త‌న 40వ పుట్టిన రోజును జరుపుకున్న అనుష్క మునుముందు భారీ క్రేజీ చిత్రాల్లో న‌టిస్తుంద‌నే అభిమానులు ఆశిస్తున్నారు.