ఏమైనా ప్రభాస్ ఫ్యాన్స్ సమ్ థింగ్ డిఫరెంట్ డార్లింగ్..!

ప్రస్తుతం టాలీవుడ్ లో స్పెషల్ షోలు - రీరిలీజుల ట్రెండ్ కొనసాగుతోంది. హీరోల పుట్టినరోజుల సెలబ్రేషన్స్ లో భాగంగా వారి కెరీర్ లో క్లాసిక్స్ లేదా బిగ్గెస్ట్ బ్లాక్ బస్టర్ సినిమాలను ప్రత్యేకంగా ప్రదర్శిస్తున్నారు. తెలుగు రాష్ట్రాల్లోలో కాకుండా విదేశాల్లోనూ అధిక స్క్రీన్లలో షోలు ప్లాన్ చేస్తున్నారు.

ఇటీవల మహేష్ బాబు పుట్టినరోజు స్పెషల్ గా 'పోకిరి'.. పవన్​ కల్యాణ్​ బర్త్ డేకి 'జల్సా' సినిమాలను రీ రిలీజ్ చేసిన సంగతి తెలిసిందే. అలానే కొన్ని ఏరియాల్లోఅభిమానులు 'ఒక్కడు' 'తమ్ముడు' సినిమాల స్పెషల్ షోలు కూడా వేసారు.

నందమూరి బాలకృష్ణ నటించిన 'చెన్నకేశవ రెడ్డి' చిత్రాన్ని కూడా భారీ ఎత్తున రీ రిలీజ్ చేశారు. త్రివిక్రమ్ శ్రీనివాస్ డైరెక్టర్ గా 20 ఏళ్ల కెరీర్ పూర్తి చేసుకున్న సందర్భంగా 'నువ్వే నువ్వే' సినిమా స్పెషల్ షో వేశారు.

రీ రిలీజులకు ఆడియన్స్ నుంచి అనూహ్య స్పందన లభించడం.. భారీగా థియేటర్లకు వస్తుండటంతో అందరూ ఇప్పుడు అదే బాటలో నడుస్తున్నారు. ఈ ఖాతాలోకి యంగ్ రెబల్ స్టార్ ప్రభాస్​ కూడా చేరుతున్నారు.

ప్రభాస్ పుట్టినరోజును పురస్కరించుకొని ఆయన నటించిన 'రెబెల్' చిత్రాన్ని రీ రిలీజ్ చేస్తున్నారు. బాక్సాఫీస్ వద్ద దారుణమైన ఫలితాన్ని చవిచూసిన ఈ సినిమాని అక్టోబర్ 15వ తేదీన గ్రాండ్ గా రీ-రిలీజ్ చేయనున్నట్లు ఇప్పటికే అధికారికంగా ప్రకటించారు.

అలానే ప్రభాస్ కెరీర్ లో చేదు అనుభవాన్ని మిగిల్చిన 'బిల్లా' మూవీ స్పెషల్ షోలను ప్లాన్ చేస్తున్నారు డార్లింగ్ ఫ్యాన్స్. అయితే ఈ విషయంలో యంగ్ రెబల్ స్టార్ అభిమానులు మిగతా వారికంటే సమ్ థింగ్ డిఫరెంట్ అని నిరూపించారు.

ఎందుకంటే మిగతా హీరోల అభిమానులందరూ వారి సూపర్ హిట్ మరియు బ్లాక్ బస్టర్ చిత్రాలని రీ రిలీజ్ చేస్తున్నారు. మరోవైపు డార్లింగ్ ఫ్యాన్స్ మాత్రం 'రెబల్' & 'బిల్లా' వంటి డిజాస్టర్ సినిమాలను మళ్లీ విడుదల చేయడానికి ప్లాన్ చేస్తున్నారు.

కాకపోతే అక్కడక్కడ ప్రభాస్ కి స్టార్ డమ్ తెచ్చిపెట్టిన 'వర్షం' సినిమా స్పెషల్ షోలు వేస్తున్నట్లు తెలుస్తోంది. మరి డార్లింగ్ బర్త్ డే స్పెషల్ గా వేస్తున్న ఈ చిత్రాలతో 'పోకిరి' 'జల్సా' రికార్డులను బ్రేక్ చేస్తారేమో చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.