మరో అద్బుత ప్రపంచంలోకి వెళ్లేందుకు రెడీనా?

ముందు నుండి చెబుతున్నట్లుగానే దర్శకుడు శంకర్‌ తన ‘2.ఓ’ చిత్రం 3డి వర్షన్‌ తో కొత్త అద్బుత ప్రపంచాన్ని చూపించాడు. సరికొత్త అనుభూతితో అద్బుతమైన సాంకేతిక పరిజ్ఞానంతో 2.ఓ చిత్రాన్ని తెరకెక్కించి దర్శకుడు శంకర్‌ ప్రేక్షకులను మంత్ర ముగ్దులను చేసి ఆహా అనిపించాడు. 2.ఓ చిత్రం అందించిన అద్బుతమైన ఫీల్‌ నుండి ఇంకా బయటకు రాలేదని చెప్పుకోవాలి. 2డి లో కంటే 3డిలోనే ఎక్కువగా ఈ సినిమాను చూస్తున్నారు. 3డి వర్షన్‌ మంచి రెస్పాన్స్‌ వస్తుంది. సౌత్‌ ఇండియాతో పాటు దేశ వ్యాప్తంగా కూడా 2.ఓ 3డి వర్షన్‌ ఆకట్టుకుంటుంది. ఇదే సమయంలో మరో 3డి మూవీ ప్రేక్షకుల ముందుకు వచ్చేందుకు సిద్దం అయ్యింది.

2.ఓ ఇచ్చిన కిక్‌ తో త్వరలో రాబోతున్న ఆక్వామేన్‌ 3డి సినిమాను కూడా ప్రేక్షకులు ఆధరిస్తారనే నమ్మకంను ఇండియాలో డిస్ట్రిబ్యూట్‌ చేస్తున్న నిర్మాతలు భావిస్తున్నారు. అద్బుతమైన ఈ హాలీవుడ్‌ మూవీ 3డి వర్షన్‌ లో చూస్తే ఖచ్చితంగా అద్బుత ప్రపంచంలో అక్వామన్‌ తో పాటు విహరించినట్లుగా ఉంటుందని, గతంలో ఎప్పుడు కూడా చూడని విజువల్స్‌ ఈ చిత్రంలో చూస్తారని నిర్మాతలు చెబుతున్నారు. ఈనెల 14న తెలుగు రాష్ట్రాలతో పాటు పలు రాష్ట్రాల్లో ఈ చిత్రం విడుదల కాబోతుంది.

అమెరికాలో కంటే ఇండియాలోనే ముందు అక్వామెన్‌ సందడి చేయబోతున్నాడు. అత్యాధునిక టెక్నాలజీని వినియోగించడంతో పాటు, భారీ బడ్జెట్‌ తో ఈ చిత్రాన్ని దర్శకుడు జేమ్స్‌ వాన్‌ రూపొందించాడు. జేసన్‌, అంబర్‌ నటించిన అక్వామెన్‌ ట్రైలర్‌ ఇప్పటికే నభూతో... అన్నట్లుగా అనిపించింది. సినిమాలోని అండర్‌ వాటర్‌ సీన్స్‌ అద్బుతంగా ఉంటాయని, వాటిని 3డిలో చూస్తే మరో అద్బుత లోకంలో విహరించిన ఫీల్‌ కలుగుతుందని మేకర్స్‌ చెబుతున్నారు. మరెందుకు ఆలస్యం మరో అద్బుత 3డి ప్రపంచంలో విహరించేందుకు సిద్దమవ్వండి.