పుకార్లకు రెహ్‌ మాన్‌ ఫుల్‌ స్టాప్‌

పదేళ్ల క్రితం ఇండియాలో నెంబర్‌ వన్ డైరెక్టర్‌ ఎవరంటే విన్పించే మొదటి పేరు శంకర్‌. శంకర్‌ సినిమా తీస్తే రికార్డులు బద్దలవ్వాల్సిందే. అలాంటి శంకర్‌ 2.0 తర్వాత ఇప్పుడు భారతీయుడు 2 స్టార్ట్‌ చేశాడు. సాధారణంగా శంకర్‌ సినిమాలు అన్నింటికి ఏఆర్‌ రెహ్ మానే సంగీతం అందిస్తున్నాడు. జెంటిల్‌ మ్యాన్‌ సినిమా దగ్గరనుంచి.. 2.0 వరకు ఇద్దరి కాంబినేషన్‌ లో అద్భుతమైన పాటలు వచ్చాయి. మధ్యలో స్నేహితులు అనే ఒక్క సినిమాకు మాత్రం హరీష్‌ జైరాజ్‌ ని తీసుకున్నాడు. ఇప్పుడు భారతీయుడు 2కి కూడా ఏఆర్‌ రెహ్మాన్‌ ని కాదని.. అనిరుథ్‌ కి అవకాశం ఇచ్చాడు శంకర్‌.

భారతీయుడు 2 సినిమాకు అనిరుథ్‌ పేరుని అలా ఎనౌన్స్‌ చేశారో లేదో.. సోషల్‌ మీడియాలోఇలా పుకార్లు స్టార్ట్‌ అయిపోయాయి. ఏఆర్‌ రెహ్మాన్‌ లో జ్యూస్‌ అయిపోయిందని… అందుకే శంకర్ తెలివిగా పక్కన పెట్టేశాడని వార్తలు వచ్చాయి. మరోవైపు.. శంకర్‌ సినిమాలు మరీ మూసగా ఉంటున్నాయని.. ఏఆర్‌ రెహ్ మానే తప్పుకున్నాడని కూడా పుకార్లు విన్పించాయి. దీనిపై ఇంతవరకు అటు రెహ్ మాన్‌ కానీ ఇటు శంకర్‌ కానీ ఇద్దరూ రెస్పాండ్‌ అవ్వలేదు. దీంతో. ఇద్దరి మధ్య ఏదో జరిగిందని నమ్మడం మొదలుపెట్టారు జనాలు.

సోషల్‌ మీడియాలో వస్తున్న పుకార్లకు రెహ్ మాన్‌ బాగా అప్‌ సెట్‌ అయ్యాడు. అందుకే క్లారిటీ ఇచ్చాడు. అసలు భారతీయుడు 2 సినిమాకు కమల్‌ హాసన్‌ ఆప్షన్‌ తానేనని.. కానీ శంకర్‌ మాత్రం అనిరుథ్‌ ని తీసుకునేందుకే మొగ్గుచూపాడని చెప్పారు. రోబో 2.0 సినిమాకు తాను బాగా ఆలసిపోయానని.. బహుశా అందుకే తనకు విశ్రాంతి ఇచ్చేందుకే అనిరుథ్‌ ని తీసుకుని ఉంటారని అన్నాడు రెహ్ మాన్‌. మొత్తానికి పుకార్లపై రెహ్ మాన్‌ క్లారిటీ ఇచ్చినా.. శంకర్‌ మాత్రం తనని వద్దనుకుంటున్నాడనే విషయాన్ని చెప్పకనే చెప్పాడు ఏఆర్‌ రెహ్మాన్‌.