ఫోటో స్టొరీ: బాహుబలి తో ఎఆర్ రెహమాన్

బాహుబలి' తో పాన్ -ఇండియా స్టార్ గా మారిన ప్రభాస్ రీసెంట్ గా 'సాహో' మేకింగ్ వీడియోతో సంచలనం సృష్టించిన విషయం తెలిసిందే. ప్రభాస్ పుట్టిన రోజు సందర్భం గా రిలీజ్ అయిన చాప్టర్ 1 షేడ్స్ ఆఫ్ సాహో యాక్షన్ సీక్వెన్స్ లు చూసి అభిమానులే కాదు దేశవ్యాప్తంగా ప్రేక్షకులందరూ థ్రిల్లయ్యారు.

ఇదిలా ఉంటే ప్రభాస్ ప్రస్తుతం ఇటలీలో రాధాకృష్ణ కుమార్ దర్శకత్వంలో తెరకెక్కుతున్న మరో చిత్రం షూటింగ్ లో పాల్గొంటున్న విషయం తెలిసిందే. ఈ సందర్భంగా ప్రభాస్ అక్కడ ఆస్కార్ అవార్డు విన్నర్ ఎఆర్ రెహమాన్ ను కలవడం జరిగిందట. జస్ట్ కలవడమే కాకుండా ఇద్దరూ చాలాసేపు ముచ్చటించుకున్నారట. ఈ సందర్భంగా ఒక ఫోటోకు కూడా పోజిచ్చారు. ఆ ఫోటో ఇప్పుడు సోషల్ మీడియా లో వైరల్ అయింది.

కొద్ది రోజుల క్రితం ఈ సినిమాకు ఎఆర్ రెహమాన్ సంగీతం అందిస్తాడని ఫిలిం నగర్లో రూమర్లు విన్పించాయి. కానీ రెహమాన్ కాదు.. బాలీవుడ్ అమిత్ త్రివేదిని సంగీత దర్శకుడి గా ఫైనలైజ్ చేశారని తర్వాత వార్తలు వచ్చాయి. ఏదేమైనా మన డార్లింగ్ సినిమాకు ఫ్యూచర్ లో అయినా రెహమాన్ పనిచేయాలని.. 'తెలుగు సినిమాలను పని చేస్తే అది ఫ్లాప్ అవుతుంది' అనే నెగెటివ్ సెంటిమెంట్ ను బ్రేక్ చేసి బ్లాక్ బస్టర్ మ్యూజిక్ అందించాలని కోరుకుందాం.