కొన్నిగ్యాంగ్స్ వలనే బాలీవుడ్ కి దూరమయ్యా: ఏఆర్ రెహమాన్

సినీఇండస్ట్రీలో నెపోటిజమ్ అనేది కొనసాగుతుందని అందరికి తెలిసిందే. అది ఇప్పటినుండి ఉన్నది కాదు ఎన్నాళ్ళుగానో చిత్రపరిశ్రమలో నెలకొంది. అయితే ఇండస్ట్రీలో నెపోటిజమ్ తో పాటు గ్రూప్స్, అవకాశాలు రాకుండా చేసే మాఫియాలు ఉన్నాయని కొందరు ఆరోపించారు. మరి అలాంటి గ్రూపులు మాఫియాలు ఉన్నట్లా అంటే.. ఆస్కార్ విన్నర్ ఏఆర్ రెహమాన్ విషయంలో కూడా అలాంటి పరిస్థితులు ఏర్పడ్డాయట. అలాంటి గ్రేట్ మ్యూజిక్ డైరెక్టర్ విషయంలో అలా జరిగింది అంటే.. తప్పకుండా ఉండే ఉంటాయని అనుమానాలు వ్యక్తం అవుతున్నాయి. కానీ అనుమానాలు కాదు ఏకంగా ఏఆర్ రెహమాన్ స్వయంగా తన విషయంలో ఇలా జరిగింది.. మాఫియా అవకాశాలు రాకుండా చేసింది.. అని చెప్పేసరికి నమ్మకతప్పట్లేదు. ప్రస్తుతం రెహమాన్ మ్యూజిక్ డైరెక్షన్ తో పాటు ప్రొడక్షన్ లో అడుగుపెట్టిన సంగతి తెలిసిందే.

ఆయన నిర్మాతగా మారి నిర్మించిన ఫస్ట్ మూవీ 99సాంగ్స్. ఈ సినిమా ఏప్రిల్ 16న ప్రపంచవ్యాప్తంగా విడుదల కాబోతుంది. అయితే ఈ సినిమాలో ఇహన్ భట్, ఎడిసీ వర్గాస్ హీరో హీరోయిన్లుగా నటిస్తున్నారు. ఇటీవలే ఈ సినిమా ట్రైలర్ కూడా విడుదల చేసింది చిత్రబృందం. ఈ సినిమాకు విశ్వేష్ కృష్ణమూర్తి దర్శకత్వం వహించాడు. అయితే కొన్నేళ్లుగా బాలీవుడ్ సినిమాలకు మ్యూజిక్ అందించడం లేదు రెహమాన్. ఈ విషయం గురించి ఆ మధ్య ఓ ఇంటర్వ్యూలో స్పందించాడు. 'బాలీవుడ్ ఇండస్ట్రీలో కొన్ని గ్యాంగ్స్, మాఫియాల కారణంగా సినిమాలకు దూరం అయ్యానని, అలాగే నాకు అవకాశాలు రాకుండా వారు వ్యతిరేకంగా పనిచేసారు. కానీ ఇప్పుడు బాలీవుడ్ లో పరిస్థితి బాగానే ఉంది. ఆ గ్యాంగ్స్ ఇప్పుడు లేవు' అని చెప్పుకొచ్చారు రెహమాన్. ప్రస్తుతం 99సాంగ్స్ సినిమా ప్రమోషన్స్ జరుగుతున్నాయి.