కుర్రాడి సినిమాలో చిరంజీవి విలన్

బాలీవుడ్ కండల వీరుడు సల్మాన్ ఖాన్ సోదరుడు అర్బాజ్ ఖాన్.. తెలుగులో గతంలోనే అరంగేట్రం చేశాడు. 2005లో మెగాస్టార్ చిరంజీవి నటించిన జై చిరంజీవ మూవీలో విలన్ గా ఈ బాలీవుడ్ నటుడు యాక్ట్ చేశాడు. మళ్లీ ఇన్నేళ్ల తర్వాత ఓ తెలుగు సినిమాలో నటించేందుకు అర్బాజ్ ఖాన్ సై అన్నాడని తెలుస్తోంది.

రాజ్ తరుణ్ హీరో వంశీకృష్ణ దర్శకత్వంలో తెరకెక్కుతున్న చిత్రంలో అర్బాజ్ ఖాన్ ను విలన్ గా ఫిక్స్ చేశారని తెలుస్తోంది. ఈ రోల్ కి ఓ స్టార్ హీరోని తీసుకుంటామని నిర్మాతలు ముందే చెప్పగా.. మొదట ఈపాత్ర కోసం గోవిందాని అప్రోచ్ అయ్యారట. అయితే హిందీలోకి ట్రాన్స్ లేట్ చేసిన స్క్రిప్ట్ విన్న గోవిందా.. తన రోల్ విషయంలో అసంతృప్తి చెందాడని - ఇంకా పెద్ద పాత్ర ఉండాలని భావించాడట. రాజ్ తరుణ్ ఇమేజ్ కన్నా తన ఇమేజ్ చాలా ఎక్కువ కాబట్టి రోల్ విషయంలో సంతృప్తి చెందలేదట. దీంతో నిర్మాతలు అర్బాజ్ ఖాన్ ని అప్రోచ్ కావడం.. ఈ పాత్రకు ఒప్పుకోవడం జరిగిపోయాయి.

ఏకే ఎంటర్టెయిన్మెంట్స్ బ్యానర్ పై రూపొందుతున్న ఈ మూవీకి.. అర్బాజ్ ఖాన్ ఇంకా సైన్ చేయలేదు. త్వరలో అగ్రిమెంట్ చేసుకుని.. షూటింగ్ లో భాగం కానున్నాడు. ఇంకా టైటిల్ డిసైడ్ చేయని ఈ మూవీ టైటిల్ హైద్రాబాద్ లో జరుగుతుండగా.. అను ఇమ్మాన్యుయేల్ హీరోయిన్ గా నటిస్తోంది.